Merkezê Îrtîbatî û Çapemenîye yê HPGyî bi eşkerayîyêk derheqê çalakîyanê gerîlayan û hêrişê artêşa tirke de zanayîş da.

Eşkerayîye de nê ameyî parekerdene:

''19ê kanûne de artêşa tirke  qezaya Çelê ya Colemêrgî de dest pê operasyonêk kerd.  Hêzanê ma heman roje de Gelîya Zapî de da îşxalkeran ro. Çalakîya sabotajî ya ke vera yewîyanê operasyonî ameye viraştene de leşkerêk ame kiştene û 1 zî birîndar bi. Herême de operasyon dewam keno.

Dewleta tirke ya îşxalkere Herêmê Pawitişî yê Medya bombardûman kerdî. Goreyê naye; 19ê kanûne de teyarayanê şerî  warê dewanê Tepê Roj, Tepê Zegelê, Bereşê û Şêxanî yê ke pabesteyê Kalatuka yê, 20ê menge de warê Ciloyê Qijî yê Zapî û 21ê kanûne de warê dewa Peraxî ya Heftanînî û warê dewa Sîda ya Zapî ser o bombayî varnayî. Nê hêrişdan de vînîbîyayeyê ma çîn ê.''