Merkezê Îrtîbatî û Çapemenîye yê HPGyî nasnameyê 5 gerîlayanê ke 2020 de Cîlo de şehîd bîyê, eşkera kerdî.

Eşkerayîye wina ya:

''Embazê ma yê warê Cîloyî serranê peyênan de derbanê giranan danê dişmenî ro û Şerê Şarî yê Şorişgêrî de rolê xo yê pîlî anê ca. Embazanê ma Zagros, Agir, Şevger û Bawerî, binê fermandarîya embaz Bagerî de xeylêk çalakîyê surprîzî kerdî, dişmen mat verd û mîsyonê xo yê serkêşîye xeta fedayîtîye de ard ca. Nê embazanê ma yê ercîyayeyan pê çalakîyanê xo û kesayetê xo yê qerardarî morê xo da binê prosesî û binê pêro şertan de zî kerd ke dişmenî ra qesas bigêrê. Nê embazê ma wexto ke nê prosesê tarîxîyî de serê wezîfe û mesuldarîya xo de bîyêne hêrişê dişmenî de şehîd bîyî. Nê embazê ma yê qehremanî do bibê meşale û verê ma tim roşnî bikerê.

Ewladê tewr ercîyaye û fedayî yê şarê ma yê Serhedî Bager, Zagros, Agir û Şevger û ewlado fedayî yê şarê ma yê erebî Bawer, şehadetê înan seba ma do bibê sebebê pîlkerdişê têkoşînî û caardişê gerîlatîya serfîrazîye. Ma sere de keyeyanê ercîyayeyan ê embazanê ma rê, pêro şarê welatperwerî yê kurd û erebî rê serweşîye wazenê.

Nasnameyê embazanê ma yê şehîdan wina yê:

Nameyê Qodî: Bager Erdal Name û Peyname: Ridvan Alkan Cayê Bîyayîşî: Agirî Maye-Pî: Hamdîye – Ahmet Tarîx û Cayê Şehadetî: 27ê Teşrîna Verêne ya 2020î / Cîlo

Nameyê Qodî: Zagros Zîlan Name û Peyname: Nurullah Îşler Cayê Bîyayîşî: Wan Maye-Pî: Naîme – Ahmet Tarîx û Cayê Şehadetî: 27ê Teşrîna Verêne ya 2020î / Cîlo

Nameyê Qodî: Agir Dilbirîn Name û Peyname: Ridvan Aslan Cayê Bîyayîşî: Muş Maye-Pî: Hulya – Abdurrahman Tarîx û Cayê Şehadetî: 27ê Teşrîna Verêne ya 2020î / Cîlo

Nameyê Qodî: Şevger Ararat Name û Peyname: Mahsum Guneş Cayê Bîyayîşî: Mûş Maye-Pî: Cemîle – Mîrza Tarîx û Cayê Şehadetî: 27ê Teşrîna Verêne ya 2020î / Cîlo

Nameyê Qodî: Bawer Gelhat Name û Peyname: Hisên Cuma Cayê Bîyayîşî: Tirbespiyê Maye-Pî: Fatma – Ewad Tarîx û Cayê Şehadetî: 27ê Teşrîna Verêne ya 2020î / Cîlo

Embaz Bager Agirî de dadîya xo ra beno la metropolê Tirkîya Îstanbul de beno pîl. Embaz Bager verî xebatanê ciwanan de ca gêno û 2009 de tewrê gerîlayan beno. Embaz Bager Zagrosan de gerîlatîye pratîze keno. O Cîlo û Çarçella de derbanê giranan dano dişmenî ro. O perwerdeyan ra dima beno fermandar. Embaz Bager serran ra dima Zagrosan ra derbazê Xakurkê beno . Dima o Ocaxê PKKyî de perwerde vîneno û sey fermandarê eyaletî reyna agêreno Zagrosan. Embaz Bager beno şagîrto perwer ê fermandaranê sey Bager Bîtlîs, Alî Pilîng û Reşîd Serdaran. O tim sey fermandarê ma yê fedayîyî mîyanê têkoşînê ma de biciwîyo.

Embaz Zagros qezaya Erdîşî ya Wanî de dadîya xo ra beno.Embaz Zagros verî xebatanê ciwanan de ca gêno û dima 2013 de tewrê gerîlayan beno. Embaz Zagros koyan de tim xîret keno ke xo aver bero û perwerdeyan gêno. Embaz Zagros xeylêk çalakîyanê serkewteyan de ca gêno. O pê tewirê xo yê qerardar û çêrî embazanê xo rê beno mîsal.

Embaz Agir Mûş de dadîya xo ra beno. Embaz Agir dima ke têgêrayîşî ser o beno hişmend tewrê gerîlayan beno. O Herêmanê Pawitişî yê Medya de xeylêk perwerdeyan gêno û hîna beno hişmend. O pê kesayetê xo yê samîmî, zerrînizmî û fedakarî beno embazêko mîsal. Embaz Agir warê leşkerîye de xo xeylêk aver beno û sey namzetêkê fermandarê marîfetînî şehîd beno.

Embaz Şevger Mûş de dadîya xo ra beno.  Embaz 2014 de tewrê gerîlayan beno la heta ê wextî zî mîyanê xebatan de mesuldarîya xo ano ca. Embaz Şevger Zagrosan de beno yew û xeylêk çalakîyanê serkewteyan de derbanê giranan dano dişmenî ro. Embaz Şevger koyan de qetî nêvindeno û kedêka pîle dano şorişî. Erjê ke ey afernayê tim do mîyanê têkoşînê ma de biciwîyê û verê têkoşînê ma roşnî bikerê.

Embaz Bawer sey ewladê şarê erebî Tirbespîyê de dadîya xo ra beno.  Embaz Bawer wextê xoverdayîşê vera DAÎŞî de têgêrayîşê ma şinasneno û tewrê gerîlayan beno. O Herêmanê Pawitişî yê Medya de perwerdeyanê esasan gêno. O pê kesayetê xo yê qerardar, jîhat û isrardarî û pê destekê embazanê xo cade adapteyê koyan beno. O serkewtişê xo pê performansê xo yê Zagrosan tacîdar keno. Embaz Bawer mîyanê hêvîya şaran PKKyî de reseno asta şehadetî û bi nê hawayî beno mîrê ameyoxê azadî yê şaran.''