Merkezê Îrtîbatî û Çapemenîye yê HPGyî bi eşkerayîyêke nasnameyê di şehîdan eşkera kerdî.

Eşkerayîye wina ya:

''Nê rojan de ke vera hêrişanê îşxalî xoverdayîşanê tewr heybetînan ê tarîxê Kurdîstanî ra yew qewimîyeno, gerîlayê azadîye yê Kurdîstanî pê bedelanê pîlan seba ke rûmet û xeyalê azadîye yê şarê ma bipawê şerê îradeyêkê pîlî danê. Vera nê şerê îradeyê artêşa tirke ya îşxalkere rixmê teknîkê xo zî nêeşkena xo binkewtişî ra bixelisna. Artêşa îşxalkere wazena şer pêro Herêmanê Pawitişî yê Medya bikera û bi nê hawayî serkewtişanê sexteyan bivisna destî. La her roje hêzanê ma ra derban wena. Bêguman bedelê giranî yê nê xoverdayîşê embazanê ma zî est ê. Embazê ma Guvene û Vorîn vera dişmenî pê tewirê xo yê fedayîyî averberdiş û pîlkerdişê xoverdayîşî de erkê serkêşîye bi serfîrazî ard ca. Nê embazanê ma heta nefesê xo yê peyênî pê bawerîya felsefeya Apogîran şer kerd û şehîd bîyî. Ma soz danê ke têkoşînê înan pê serfîrazîye tacîdar bikerê.

Nasnameyê embazanê ma yê şehîdan wina yê:

Nameyê Qodî: Guvene Doza Name û Peyname: Cansele Dursun Cayê Bîyayîşî: Kocaelî Maye-Pî: Fatma – Mehmet Zekî Tarîx û Cayê Şehadetî: Temmuza 2022yî / Herêmê Pawitişî yê Medya

Nameyê Qodî: Vorîn Qesasê Welat Name û Peyname: Rakîp Kuşlu Cayê Bîyayîşî: Amed Maye-Pî: Emîne – Alîhan Tarîx û Cayê Şehadetî: Temmuza 2022yî / Herêmê Pawitişî yê Medya

Embaza ma Guvene keyeyêkê agirîyijî de metropolêkê Tirkîya Kocaelî de dadîya xo ra bena. Embaze Guvene wextê zanîngehî de PKK şinasnena û 2015 de bi wesîleya komêke Edîrne de raştîya dişmenî nêzdî ra fam kena.

Embaza ma Guvene dima ke bîya wayîra hişmendîye 2016 de tewra gerîlayan bena. Embaze Guvene Zap de destpêkê gerîlatîya xo de raştê hêrişanê giranan ê dişmenî yena la rixmê ney zî tewra xeylêk çalakîyanê serkewteyan bena. Embaze Guvene 2017 de waştişê xo ser o mîyanê Hêzanê Taybetan de ca gêna.

Embaza ma Guvene perwerdeyan ra dima reyna bi waştişê xo ser o derbazê warê şerê aktîfî bena. Embaze Guvene wextêkê kilmî ra dima bena gerîlayêka marîfetîne ya YJA-Starî.

Embaza ma Guvene dima bena fermandara yewine û pêro erkanê xo bêkêmasî ana ca. A warê perwerdeyî de zî embazanê xo rê ardim kena û pêro tecrubeyanê xo zî embazanê xo de vila kena. Embaze Guvene destpêkê hêrişanê îşxalî yê neweyan ra nata mîyanê şerî de kedêka pîle daye û tewra karwanê şehîdan bîye.

Embazê ma Vorîn qezaya Hazroyî ya Amedî de dadîya xo ra beno. Embazê ma Vorîn dima ke kekê ci yo gerîla sey esîrî keweno destê dişmenî 2017 de Amedî ra tewrê gerîlayan beno. O wextêkê kilmî de derbazê Herêmanê Pawitişî yê Medya beno û mîyanê xebetanaê Komalanê Ciwanan de ca gêno.

Embazê ma Vorîn cade cuya koyan û gerîlatîye museno. O tim xîret keno ke xo aver bero û naye ser o tewrê xebatanê HPGyî beno. O perwerde ra dima bi taybetî amadekerdişê tunelanê şerî de beno wayîrê kedêka pîle. Embazê maVorîn dima mîyanê Hêzanê Taybetan de ca gêno, tim cigêreno, xîret keno ke fam bikero û bimuso. Embaz Vorîn tim embazanê xo rê beno çimeyê moral û hêzî. Embaz Vorîn rixmê ciwanîya xo zî pêro wezîfeyanê xo bêkêmasî ano ca. O bi fedayîtî vera dişmenî şer keno û beno şehîd.

Ma do xeyalê înan ê tewr pîlî Rayberîya Azade û Kurdîstanê Azadî qetî do bîyarê ca. Sere de keyeyanê ercîyayeyan ê embaze Guvene û embaz Vorînî rê ma pêro şarê welatperwerî yê Kurdîstanî rê serweşîye wazenê.''