Merkezê Çapemenî û Îrtîbatî yê HPG’yî eşkerayîyêk daye û derheqê çalakîyanê gerîlayan û hêrişê artêşa Tirkî de  nê pare kerdî:

Şirnêx

‘‘3’ê Êlule de mintiqaya Derîyê Qaçê ya  herêma Kato Jirka ya qezaya Êlkê ya Şirnexî de hetê hêzanê ma yê YJA Starî ra çalakîyêk ameye viraştene. Çalakîya ke çarçeweya Hemleya Qesayî ya Şehîde Medya Mawa û Şehîd Rizgar Geverî de ameye viraştene de  9 leşkerî ameyî kiştene û 3 zî birîndar bîyî. Dimayê çalakîye herême ameye bombavarankerdene.

Bedlîs

2’ê Êlule de artêşa Tirkî ya hêrişkare herêma Gelîyê Kesanê ya qezaya Tetwanî ya Bedlîsî ser o bombayî varnayî. Madyaya Tirkî ya ke şero psikolojîk rayra bena bi xebaranê zuran vat gerîlayan cuya xo vînî kerde. La nê hêrişî de vînîbîyayeyê ma çîn ê.

Heftanîn

4’ê Êlule de teyareyanê şerî yê artêşa Tirkî herêma Xanturî ya pabesteya Heftanînî bombavaran kerde. Nê hêrişî de di embazê ma şehîd bîyî. Hayîdarîyê nasnameyanê embazanê ma do rayapêroyîye dir bêrê parekerdene.

Avaşîn

5’ê Êlule de teyareyanê şerî yê artêşa Tirkî herêma Werxelê ya pabesteya Avaşînî bombavaran kerde. Nê bombavaranî de vînîbîyayeyê ma çîn ê.”