Merkezê Îrtîbatî û Çapemenîye yê HPGyî derheqê şerê ke Herêmanê Pawitişî yê Medya de yeno qewimîyayene de nê detayî pare kerdî:

''Gerîlayê Azadîye yê Kurdîstanî bi mîrasê  Xoverdayîşê 14ê Temmuze koyanê Kurdîstanî de darbeyanê giranan danê artêşa tirke ya îşxalkere ro. Artêşa tirke ya îşxalkera ke nêeşkena vera têkoşînê hêzanê ma avêr şiro, mewzîyê şerî yê hêzanê ma pê bombaya fosforî dayî bombayan ver û hêna sûcê şerî kerd. Rixmê heme hêrişan, çalakîyanê hêzanê ma de 8 îşxalkerî ameyî cezakerdene û yew mewzî ameye îmhakerdene. Artêşa tirke bi desan rey pê çekanê kîmyewîyan, teqaber, teyarayanê şerî, helîkopteranê hêrişî û obusan warê xoverdayîşî dayî bombayan ver. Detayê çalakîyan wina yê;

Zap

10ê temmuze de  Warê Xoverdayîşî yê Şîkefta Birîndara de îşxalkeranê ke waşt warî bidê bombayan ver hetê hêzanê ma ra bi taktîkê sûîkastî ameyî pirodayene. Çalakîye de îşxalkerêk ame cezakerdene.

Xakurkê

Eynî roje Warê Xoverdayîşî yê Şehîde Axîne de îşxlakerî hetê hêzanê ma yê YJA Starî ra pê çekanê giranan ameyî pirodayene. Çalakîye de yew mewzî ameyî îmhakerdene û 2 îşxalkerî ameyî cezakerdene. Girê Şehîd Şahanî de zî îşxalkerî ameyî pirodayene, îşxalkerêk ame cezakerdene.

Metîna

10ê temmuze de qereqolê Kanî Masî yê artêşa tirke yo ke Başûrê Kurdîstanî yo de bi taktîkê sûîkastî ame pirodayene, îşxalkerêk ame cezakerdene.  Eynî roje Warê Xoverdayîşî yê Girê Cûdîyî de îşxlakerêk ame cezakerdene. 11ê temmuze de Warê Xoverdayîşî yê Girê Amedîyê û Girê FMyî de îşxalkerî bi taktîkê sûîkastî ameyî pirodayene, her yew warî de îşxlakerêk ame cezakerdene.

Bombarduman

Artêşa tirke ya îşxalkere 10ê temmuze de Warê Xoverdayîşî yê Şîkefta Birîndara de  mewzîyê şerî pê bombaya fosforî dayî bombayan ver. Eynî roje Warê Xoverdayîşî yê Şikefta Birîndara, Girê Cûdî, Girê Şehîd Pîrdoğan, Girê FM û Girê Hakarî bi desan rey pê çekanê kîmyewîyan û teqaberan dîyayî bombayan ver. Reyna Warê Xoverdayîşî yê Girê Hakarî, Girê Amediye, Girê Cûdîyî û warê Girê Şehîd Piling, Gundê Guzê, Dola Şêranê, Şehîd Têkoşer Qehreman, Sîda, Şehîd Fedakârî pê teyarayanê şerî û obusan dîyayî bombayan ver.''