Merkeze Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê vatî:

“16ê kanûne de îşxalkeran ke waşt ver bi mewzîyanê xoverdayîşî yê gerîlayan ê nizdîyê dewa Sîda ya Şêladizê yê Amedîyê û herêma Çemçoyî aver şirê bi taktîkê sabotajî ameyî pirodayene, îşxalkerêk ame cezakerdene. Reyna dormeyê dewa Sîda de îşxalerî hîrê rey pê çekanê giranan ameyî pirodayene û derbkerdene. Saetanê veraşanî de îşxalkerî reyna ameyî pirodayene û mewzîyêke ameye derbkerdene û kamerayêka mobese ameye îmhakerdene.

Artêşa tirke ya îşxalkere 16ê kanûne de Warê Xoverdayîşî yê Girê Cûdî û dormeyê Awa Lolanî ya Xakurê pê teyarayanê şerî dayî bombayan ver. Warê Xoverdayîşî yê Girê FM, Sîda, Çemço zî pê obus, tanq û çekanê giranan bi desan rey ameyî bombardumankerdene.”