HPG: Şehîdê ma azadîye de temsîlkarê israrî yê
HPGyî 4 gerîlayê ke par şehîd bîyê yad kerdî û vat: ''Embazê ma Bişenge, Azad, Rûbar û Baz bîyî temsîkarê israrê azadîye, têkoşîn de bîyî temsîlkarê xîret û qerardarî.''
Merkezê Îrtîbatî û Çapemenîye yê HPGyî bi eşkerayîyêke 4 gerîlayê ke par şehîd bibî yad kerdî. Eşkerayîye wina ya:
''Ma eşkerayîya xo ya 18ê gulana 2021î de dabi zanayene ke 11ê gulana 2021î de warê Selmasî de hêzê ma raştê hêrişê hêzanê Îranî ameyê û çar embazê ma şehîd bîyê. Ame qetîkerdene ke nê hêrişî de embazê ma Bişenge, Azad, Rûbar û Baz şehîd bîyê.
Nasnameyê embazanê ma yê şehîdan wina yê:
|
|
Nameyê Qodî: Bişenge Fîraz Zagros Name û Peyname: Şehrîbane Angi Cayê Bîyayîşî: Agirî Maye-Pî: Têlîye – Mahmut Tarîx û Cayê Şehadetî: 11ê Gulana 2021î / Serhed |
|
|
Nameyê Qodî: Azad Rojhat Tendurek Name û Peyname: Fetullah Yildirim Cayê Bîyayîşî: Wan Maye-Pî: Emîne – Selahattîn Tarîx û Cayê Şehadetî: 11ê Gulana 2021î / Serhed |
|
|
Nameyê Qodî: Rûbar Şawurî Name û Peyname: Hasan Tugrul Cayê Bîyayîşî: Mersîn Maye-Pî: Sacîde – Lefik Tarîx û Cayê Şehadetî: 11ê Gulana 2021î / Serhed |
|
|
Nameyê Qodî: Baz Pîrdogan Name û Peyname: Murat Edîs Cayê Bîyayîşî: Agirî Maye-Pî: Adule – Ahmet Tarîx û Cayê Şehadetî: 11ê Gulana 2021î / Serhed |
Embaza ma Bişenge Bazîd de dadîya xo ra bîya. Embaze Bişenge 2015 de herêma Serhedî de tewra gerîlayan bîye û dima zî tîya ra derbazê Herêmanê Pawitişî yê Medya bîye. Embaze Bişenge wextêkê dergî perwerdeyê leşkerî û îdeolojîkî girewtî û tecrubeyê xo tim embazanê xo de pare kerdî. Embaze Bişenge wextêkî ra pey verê xo reyna da Vakurê Kurdîstanî û sey fermandarêka YJA-Starî pêro wezîfeyê xo ardî ca.
Embaz Azad Wan de dadîya xo ra bîyo. Embaz Azad wexto ke xebatê ciwanan kerdêne di reyî tepişîya û wextêk zîndananê dişmenî de mend.Embaz Azad dima ke zîndanî ra vejîya 2014 de herêma Serhedî de tewrê gerîlayan bi. Embaz Azadî çalakîyanê Serhedî de derbê pîlî dayî dişmenî ro û dima zî derbazê Herêmanê Pawitişî yê Medya bi. Embaz Azad perwerdeyan ra dima waştişê xo ser o agêra warê Vakurî. Qerardarî û xîretê ey do tim ma rê bibo mîsal.
Embaz Rûbar mîyanê keyeyêkê sêrtijî de Mersîn de dadîya xo ra bîyo. Embaz Rûbar dima ke xebatanê ciwanan de ca girewt verî tewrê Şorişê Rojawanî bi û Şorişê Rojawanî ra dima zî verê xo da koyanê azadan ê Kurdîstanî. Embaz Rûbaro ke tim pê prosesê qirkerî hesîyayêne, seba têkoşînê bêmabênî waştişê xo ser o derbazê Vakurê Kurdîstanî bi. Embaz Rûbar tim pê moral û enerjîya xo embazanê xo rê bi çimeyê hêzî. Şehadetê ey do bibo sebebê pîlkerdişê têkoşînî.
Embaz Baz Bazîd de dadîya xo ra bîyo. Embaz Bazî îşxalê Efrînî ra dima bire daye ke tewrê têkoşînî bibo û naye ser o 2018 de verê xo da koyanê Kurdîstanî. Embaz Bazî perwerdeyan ra dima waşt ke Vakurê Kurdîstanî de têkoşîn bikero, dişmenî ra hesab biperso û serkewtişî bîyaro ca. Embaz Baz pê kesayetê xo yê kedkar û sadeyî mazharê heskerdiş û hûrmetê pêro embazanê xo bi.
Embazê ma Bişenge, Azad, Rûbar û Baz bîyî temsîkarê israrê azadîye, têkoşîn de bîyî temsîlkarê xîret û qerardarî. Ma sere de keyeyanê ercîyayeyan ê embazanê xo rê, pêro şarê welatperwerî yê Kurdîstanî rê serweşîye wazenê.''
