Merkezê Îrtîbatî û Çapemenîye yê HPGyî 4 gerîlayê ke Botan de şehîd bîyî bi eşkerayîyêke yad kerdî. Eşkerayîya HPGyî wina ya:

''2017-2018 de şefanê faşîstan ê dewleta tirke bi îdîaya qedînayîşê PKKyî vera gerîlayan zaf hêrişî kerdî la nê pêro hêrişî ameyî pûçkerdene. Ewro her kes vîneno ke nê kesî derdê ganê xo de yê. Bêguman kesê ke na netîce afernaya û bi erjan têgêrayîşê ma kerdo pîl şehîdê ma yê. Şerê ma bi serkêşîya şehîdan de hem hêrişê îşxalî berteref kerdî hem zî astêka girînge ya şerî vete werte. Fermandaranê ma yê çêran Çavrê, Yildiz, Bêrîvane û Botan 2017-2018 de Botan de bi çêrî şer kerd û şehîd bîyî. Ma înan bi rêzdarî yad kenê.

Nasnameyê embazanê ma yê şehîdan wina yê:

Embaze Çavrê qezaya Ranya ya Başûrî de dadîya xo ra bîya. Embaze Çavrê 2000 de PKK şinasna û 2001 de zî tewra gerîlayan bîye. Embaze Çavrê Qendîl, Xinêre, Xakurkê, Garê û Zap de têkoşîn kerd û bîye fermandarêka marîfetîne. Embaze Çavrê 2006 de Akdemîya Şehîde Bêrîtane de, 2008 de Akademîya PAJKî de û 2013-2014 de Akademîya Şehîd Mahîrî de perwerdeyî girewtî û perwerde da embazanê xo. Embaze Çavrê 2015 de vera hêrrişanê qirkerdişî yê dewlete derbazê Botanî bîye û 2016-2017 de prosesê şerî de kedêka pîle daye xoverdayîşî. Embaze Çavrê 2018 de Besta de Noqtaya Xezale de şehîd bîye.

Embaze Yildize Silopî de dadîya xo ra bîya. Embaze Yildize 2010 de pa 4 embazanê xo yê cinîyan de Cûdî de tewra gerîlayan  bîye. Aye 2011-2012 de şerê giranî de Botan de çalakîyanê serkewteyan de ca girewt û 2013 de derbazê Herêmanê Pawitişî yê Medya bîye. Dima aye Akademîya Şehîde Bêrîtane de perwerde dî û 2016 de derbazê herêma Botanî bîye. Embaze Yildize sey fermandarêka YJA-Starî 2016-2017 de Botan de erkê pîlî ardî ca, serkêşîya kerde û gulana 2017î de Besta de şehîd bîye.

Embaze Bêrîvane sey domanêka botanije Îzmîr de dadîya xo ra bîya. Embaze Bêrîvane 2009 de tewrê xebatanê ciwanan bîye, ameye destbendkerdene la sereyê xo nêard war. 2013 de zî aye Eyaletê Amedî ra verê xo da koyan. Aye Amed, Metîna,, Garê û Çerçella de pratîkî kerdî û bîye pispore. 2016 de zî embaze Bêrîvane waştişê xo ser o derbaê Botanî bîye. 2016-2017 de aye warê Botanî de kedêka pîle daye û 2017 de Besta de embazanê xo reyde dima ke bi çêrî şer kerd şehîd bîye.

Embaz Botan dewa Kaşûra ya sînorê Başûr û Vakurê Kurdîstanî de dadîya xo ra bîyo. Embaz Botanî verî mîyanê xebetanê ciwanan de ca girewt dima tepişîya û serrêke zîndan de mend. Dima ke zîndanî ra vejîya 2015 de o tewrê gerîlayan bi. Embaz Botanî, Botan de perwerdeyê leşkerî dî, bi profesyonel. Ey koyanê Kurdîstanî de dersê kurdkî û tarîxî dayî û embazê xo perwerde kerdî. Coka ci rê nameyê 'mamosta' nîya pa. Embaz Botanî mîyanê tîmanê hereketînan de zî ca girewt û çalakîyan de tewr vernî de ca girewt. O 18ê teşrîna verêne ya 2018î de embaz Kemal Bagokî reyde şehîd bi.

Ma  keyeyanê ercîyayeyan ê çar embazanê ma yê fermandaranê ke Botan de bi çêrî şer kerd û şehîd bîyî û pêro şarê welatperwerî yê Kurdîstanî rê serweşîye wazenê.Ma soz danê embazanê xo yê şehîdan ke têkoşînê înan pê serfîrazî tacîdar bikerê.''