HPGyî pare kerd ke Şemzînan de vera kontrayan, Heftanîn de zî vera leşkeran ê îşxalkeran 2 baskan ra çalakîyî ameyî kerdene. Goreyê eşkerayîye Şemzînan de 4 kontrayî ameyî cezakerdene, Heftanîn de kozikêk îşxalkeran reyde ame îmhakerdene.
Merkezê Îrtîbatî û Çapemenîye yê HPGyî derheqê çalakîyan û hêrişanê hewayî de eşkerayîyêke daye.
Eşkerayîye wina ya:
''Hêzanê ma çarçewa Hemleya Şorişgêre ya Cengê Heftanînî de 5ê teşrîna peyêne de saete 15:00 de warê Şehîd Kendalî yê herêma Heftanînî de vera îşxalkeran Girê Şehîde Rojîne de di baskan ra çalakîyî kerdî. Netîceya çalakîye de kozikêk îşxalkeran reyde ame îmhakerdene, derbe ameye dayene di kozikan ro. Hûmara kişte û birîndaran nêameye tesbîtkerdene. Çalakîye ra dima artêşa tirke ya îşxalkere derûdore ser o bombayî varnayî.
Çarçewa Hemleya 'Wext Wextê Azadîye' de 4ê teşrîna peyêne de saete 14:50 de qezaya Şemzînanî ya Colemêrgî de vera kontrayanê ke rayîrê mabênê qereqolanê Slort û Xapuşkê viraştêne çalakîyêke ameye kerdene. Çalakîye de 4 kontrayî ameyî cezakerdene û 2 kepçe û kamyonêke ameyî îmhakerdene. Artêşa tirke ya îşxalkere çalakîye ra dima derûdore ser o bombayî varnayî.
Dewleta tirke ya kolonyalîste bi rayîrê medyaya şerê taybetî îdîa kerd ke nê bombardumanî de zerar resa ma. Xeberê winasênî raşt nîyê. Yewîna ma ya na çalakîye bi selametî agêraye baregehê xo.
Artêşa tirke ya îşxalkere vera Herêmanê Pawitişî yê Medya hêrişê hewayî kerd. 5ê teşrîna peyêne de artêşa tirke ya îşxalkere dewa Çemşerîtkî ya herêma Garî, warê Karkerî yê herêma Zapî ser o bombayî varnayî. Nê bombardumanan de zerarêk nêresa hêzanê ma ser.''
