Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê pare kerdî:

“9ê kanûne de Warê Xoverdayşî yê  Şehîd Adili yê Çemçoyî de îşxalkerî pê çekanê giranan ameyî pirodayene, 2 îşxalkerî ameyî cezakerdene. Warê Xoverdayîşî yê Girê Cûdîyî de hêzanê ma yê YJA Starî pê çekanê rey da îşxalkeran ro. Îşxalkerî saetanê cemê şanî de Girê Cûdîyî de reyna çar rey ameyî pirodayene û derbkerdene. Helîkoterê skorskyî ke waşt warî de leşkeranê ronê hetê hêzanê ma ra ameyî pirodayene û mecbûr mendê ke peyser agêrê.

Artêşa tirke ya îşxalkere mabênê tarîxanê 7 û 9ê kanûne de mewzîyê şerî yê Şehîd Botanî yê Warê Xoverdayîşî yê Çemçoyî 150  rey pê çekanê kîmyewîyan dayî bombayan ver. Hêrişê kîmyewîyî yê dewleta tirke yê vera mewzîyanê şerî yê Şehîd Botanî hema dewam kenê.9ê kanûne de WarêXoverdayîşî yê Çemço, Girê Amediyê, Girê Cûdî, Girê FM ve Girê Biharî û warê Rostê yê Xakurkê pê teyarayanê şerî, helîkopteranê hêrişî, obus, tanq, havan û çekanê giranan dîyayî bombayan ver.”

HPGyî da zanayene ke vilawekê ke Gever de ameyî vilakerdene aîdê hêzanê ci nîyê û vat: “Qezaya Geverî ya Colemêrgî de bi şuxulnayîşê nameyê HPGyî û nameyê tay kesanê herême bi sernameyê  ‘’Operasyonê Yadkerdişê Şehit Memyan, Şehit Rozerine’’ vilawekê tehdîtî ameyî vilakerdene. Vilawekê ke qala ci yena kerdene aîdê hêzanê ma nîyê. Nê vilawekî bi ziwanê xebatkaranê şerê taybetî ameyî nuştene. Wa şarê ma bawerîya nê vilawekan mekerê.”