HPG: Hîrê leşkerê îşxalkerî ameyî cezakerdene
HPGyî da zanayene ke çalakîyanê gerîlayan de hîrê îşxalkerî ameyî kiştene û vat artêşa tirke ya îşxalkere ya ke nêeşkena vera gerîlayan aver şiro, çekanê qedexeyan şuxulnena.
Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê pare kerdî:
Çalakîyê gerîlayan
''21ê tebaxe de Warê Xoverdayîşî yê Çemçoyî de helîlopterê ke waştêne herême bombarduman bikero hetê hêzanê ma ra ame pirodayene. Helîkopter mecbur mend ke warî ra bikewo dûrî. Eynî roje Warê Xoverdayîşî yê Girê Cûdîyî de îşxalkerî ameyî pirodayene. Warê Xoverdayîşî yê Girê Hakarî de zî îşxalkerî hetê hêzanê ma yê YJA Starî ra bi taktîkê sûîkastî ameyî pirodayene û îşxalkerêk ame cezakerdene. Reyna Warê Xoverdayîşî yê Girê Amedîyê de hêzanê ma yê YJA Starî da îşxalkeran ro. Çalakîye de 2 îşxalkerî ameyî cezakerdene.
Nê çalakîyî semedê qesasê fermandaranê serkêşan ê Têgêrayîşê Azadîye yê Cinîyan Bêrîvane Zîlan ameyî kerdene.
Hêrişê artêşa tirke
Artêşa tirke ya îşxalkere 21ê tebaxe de mewzîyê şerî yê Warê Xoverdayîşî yê Şikefta Birîndara 26 rey pê bombaya fosforî dayî bombayan ver. Warê Xoverdayîşî yê Şikefta Birîndara, Çemço, Saca, Giê Amedîyê û Girê Cûdîyî zî mewzîyê şerî 8 rey pê bombaya tatktîk nukleer û çekanê kîmyewîyan dîyayî bombayan ver. Eynî roje Warê Xoverdayîşî yê Girê Cudî, Girê FM,Çemço, Girê Amedîyê,Girê Hakarî, Sîda di desan rey pê teyarayanê şerî, helîkopteranê hêrişî û obusan dîyayî bombayan ver.''
