Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişanê îşxalî de eşkerayîyêke daye. Eşkerayîye wina ya:

''Artêşa tirke ya îşxalkere mewzîyê xoverdayîşî 2 reyî pê bombayanê qedexekerdeyan, 5 reyî pê teyarayanê şerî, bi desan reyî zî pê obus û çekanê giranan dayî bombayan ver.

Detayî wina yê:

Hêrişê ke artêşa tirke ya îşxalkere pê çekanê kîmyewîyan û bombayanê qedexekerdeyan kerdê;

21ê kanûne de herêma Çemçoyî ya bajarekê Şêladizê ya Amedîyê de û dormeyê Sîda de mewzîyê xoverdayîşî yê gerîlayan bi şîdetêkê pîlî pê çekanê giranan 2 reyî dîyaye bombayan ver.

Hêrişê bînî yê artêşa tirke ya îşxalkere;

21ê kanûne de warê Kanîsarkê û Derîyê Hirçê yê Garê, dewa Mêran û Şîyê, Girê Berbizinî yê Xakurkê, Warê Xoverdayîşî yê Girê Cûdî, Warê Xoverdayîşî yê Girê FM û Girê Amedîyê, herêma Çemçoyî û dormeyê dewa Sîda dîyayî bombayan ver.''