Merkezê Îrtîbatî û Çapemenîye yê HPGyî derheqê hêrişanê artêşa tirke de eşkerayîyêka nuştekîye daye.

HPGyî vat: ''Ma şarê xo yê welatperwerî ke bi  waştişê azadîya fîzîkîye ya Rayber Apoyî meydanê Newroze kerdî pirr û bi coşê pîlî Newroze fîraz kerd, bi heskerdiş û hurmetî selam kenê. Ma bi hêz û moralê ke şarî xo ra genê têkoşînê xo domnenê. Îdarekarê dewleta tirke vanê ey Newroze sey roşanê wayûbiratîye û wisarî fîraz kenê la artêşa tirke ya îşxalkere rojanê Newroze de zî vera koyanê Kurdîstanî bombardumanê xo bêmabên domna. Bêşik gerîlayan vera nê hêrişan pêro tedbîrê xo girewtî. Coka zirarêk nêrasa hêzanê ma. Dewleta tirke ya îşxalkere 712 reyî hewa û erdî ra bombardun kerd û xozaya ridne texrîb kerd.''

HPGyî derheqê hêrişanê dewleta tirke yê vera gerîlayan de nê detayî pare kerdî:

''Hêrişê bi teyarayanê şerî;

20, 21 û 22ê adare de Warê Xoverdayîşî yê Lolan û Goşînê yê herêma Xakurkê, warê Dêreşê û Siyanê yê herêma Garê, Warê Xoverdayîşî yê Bêşîlî yê herêma Metîna,Warê Xoverdayîşî yê Girê Baharî yê herêma Şehîd Delîlî ya Rojawanê Zapî 14 reyî pê teyarayanê şerî dîyayî bombayan ver.

Hêrişê bi çekanê giranan, top û obusan;

20 û 21ê adare de Warê Xoverdayîşî yê Sinînê, Lolan û Berê Zînê yê herêma Xakurkê,warê Dêreşê, Girgaşê, Sipîndarê, Mijê, Girê Kun, Zêvkê, Girê Reşîd, Girê Zengil, Deşta Kafya, Heftebaxî yê herêma Garê, Warê Xoverdayîşî yê Bêşîlî, Şêlazê, Serê Metîna yê herêma Metîna, Warê Xoverdayîşî yê Girê Baharî yê herêma Şehîd Delîlî ya Rojawanê Zapî 698 reyî pê çekanê giranan, top û obusan dîyayî bombayan ver.''