Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye.

HPGyî va, ''Hêrişê artêşa tirke ya îşxalkere yê vera Herêmanê Pawitişî yê Medya erd û hewayî ra dewam kenê. Pîya bi teyarayanê şerî, fuzeyê erdî, tanq û obusan hem pê bombayanê taktîk nukleerî hêrişê mewzîyanê ma  kenê hem zî kenê ke pê kepçekan birijnê. Artêşa tirke ya îşxalkere 11-13ê temmuze de vera herêma Zapî bombayê taktîk nukleerî şuxulnayî ke vengê înan bi kîlometrayan dûrî ra ame eşnawitene û tesîrê teqayîşî zaf hîra vila bi.''

Detayanê eşkerayîye de nê ameyî vatene:

Herêma Xakurkê

''11ê temmuze de îşxalkeran Girê Şehîd Qehremanî de operasyonê derûdorî da destpêkerdene. Leşkerê ke vejîyayî operayon pê çekanê giranan ameyî pirodayene û derbkerdene. 14ê temmuze de Girê Şehîd Axîne de îşxalkerî pê çekanê giranan ameyî pirodayene û derbkerdene. Na çalakîye hetê hêzanê ma yê YJA Starî ra ameye kerdene.

Bombarduman

11ê temmuze de mewzîyê xoverdayîşî Warê Xoverdayîşî yê  Sîda û 13ê temmuze de mewzîyê xoverdayîşî yê Girê FMyî yê Zapî pê bombayanê taktîk nukleerî ameyî bombardumankerdene.

11, 12 û 13ê temmuze de Warê Xoverdayîşî yê Sîda, Girê FM û Girê Baharî yê Zapî,warê Girê Zengilî yê Garê, warê Golka û Warê Xoverdayîşî yê Girê Hakarî yê Metîna, Girê Şehîd Heqî û Girê Şehîd Kamuranî yê Xakurkê pê fuze,teyarayanê şerî, obus, tanq û çekanê giranan bi seyan rey dîyayî bombayan ver.''