Merkezê Îrtîbatî û Çapemenîye yê HPGyî derheqê hêrişanê îşxalî de eşkerayîyêke daye. Eşkerayîye wina ya:

''Artêşa tirke ya îşxalkere 2yê çeleyî de heta şewe mewzîyê xoverdayîşî yê gerîlayan 13 reyî pê çekanê kîmyewîyan dayî bombayan ver, malzemeyê plastîkî û lastîkê wesayîtan vêşnayî, dûyê ci verdayî zereyê mewzîyan. Heman wextî de artêşa îşxalkere warê gerîlayan 6 reyî pê teyarayanê şerî, bi desan reyî zî pê obus, tank û çekanê giranan dayî bombayan ver.

Detayê çalakîyan wina yê:

Hêrişê ke artêşa îşxalkere pê çeka kîmyewîye û bombaya qedexekerde kerdê;

2yê çeleyî de nêzdîyê herêma Çemçoyî ya bajarekê Şêladizê de mewzîyê xoverdayîşî 13 reyî pê çeka kîmyewîye dîyayî bombayan ver. Îşxalkeran malzemeyê plastîkî û lastîkê wesayîtan vêşnayî, dûyê ci verdayî zereyê mewzîyan.

Hêrişê bînî yê artêşa îşxalkere;

2yê çeleyî de dormeyê Dewa Kanîsarkê yê Garê û warê Deşta Kafya 6 reyî, Warê Xoverdayîşî yê Girê Hekarî, herêma Çemçoyî û dormeyê Sîda dîyayî bombayan ver.''