Merkezê Îrtîbatî û Çapemenîye yê HPGyî bi eşkerayîyêke nasnameyê 3 şehîdan eşkera kerdî. Eşkerayîye wina ya:

''Têkoşînê azadîye yê Kurdîstanî pê ked û gonîya şehîdanê bêmergan ameyo afernayene û rayraşîyayêko qetî yê azadîye yo. Mîraso rûmetên ê xoverdayoxanê tarîxî pê felsefeya Rayber Apoyî û şarê kurdî newe ra gandar bi. Nê prosesî de ke Kurdîstan de hêrişê tewr giranî yenê kerdene û şarê ma yeno înkarkerdene Rayber Apoyî û şagîrtanê ci, tarîx vurna û mîsalê cesaretî mojna ra. Rayraşîyayîşê şorişî yo ke pê çend şorişgêran dest pêkerdo, ewro bîyo hêvîya şaranê bindestan û bi mîlyonan kesan. Têkoşîn û erjê ma yê fîrazî bîyî meyweyê gonîya ewladanê fedakar û qehremanan ê şaranê Kurdîtanî.

Embaz Ahmed, Cemîl û Rûbar ê ke ewladanê tewr ercîyayeyan ê şarê ereb û şarê kurdî ra yê, înan seba yewîya şaranê Rojhelatê Mîyanênî û cuya têdûşt û azade ganê xo feda kerdî. Înan her çîyê xo feda kerd, pêro emrê xo da dewaya azadîye û estbîyayîşî ya şaran. Sey dewreşan ciwîyayî, bi fedakarî têkoşîn kerd, bi qehremanî şer kerd û bi qehremanî şehîd bîyî. Ma sere de keyeyanê înan ê ercîyayeyan rê pêro şarê ma yê ereb û kurdî rê serweşîye wazenê û soz danê ke têkoşînê înan bi serfîrazîye tacîdar bikerê.

Nasnameyê embazanê ma yê şehîdan wina yê:

Nameyê Qodî: Ahmed Rûbar Name û Peyname: Mehmet Erdogan Cayê Bîyayîşî: Agirî Maye-Pî: Fatma – Husnu Tarîx û Cayê Şehadetî: Gulana 2022yî / Herêmê Pawitişî yê Medya

Nameyê Qodî: Cemîl Cûdî Name û Peyname: Mehmet Taha Cayê Bîyayîşî: Dêra Zor Maye-Pî: Yusra – Zekerîya Tarîx û Cayê Şehadetî: Gulana 2022yî / Herêmê Pawitişî yê Medya

Nameyê Qodî: Rûbar Batman Name û Peyname: Omer Orhan Cayê Bîyayîşî: Êlih Maye-Pî: Seyran – Mahsun Tarîx û Cayê Şehadetî: Gulana 2022yî / Herêmê Pawitişî yê Medya

 

Embaz Ahmed Rûbar lîse de têgêrayîşê azadîye şinasneno û tewrê şerwanan beno. O 1988-1990 de wexto ke mamostatîye kerdêne mîyanê xebatanê ERNKyî de ca gêno la dima tepişîyeno û wextêk Erzîngan de zîndan de maneno. O wexto ke zîndanî ra vejîyeno 1991 de tewrê gerîlayan beno. Embaz Rûbar xeylêk waranê Botanî de gerîlatîye keno û 1997 de derbazê Warê Rayberîye beno.  Embaz Rûbar dima bi serran Zagrosan de têkoşîn keno û 2006 de sey fermandarêkî derbazê herêma Serhedî ya Vakurê Kurdîstanî beno. O sere de Xakurkê, Zap, Avaşîn, Garê, Metîna hema hema her cayê Kurdîstanî de şer keno û seba ke tecrubeyanê xo embazanê xo de vila bikero xîret keno. Têkoşînê ey do bibo garantîya ameyoxê azadî.

 

Embaz Cemîl Dêra Zor de dadîya xo ra beno. Embaz Cemîlo ke ereb o wextê têkoşînê vera DAÎŞî de têgêrayîşê azadîye şinasneno û vera DAÎŞî tewr vernî de şer keno. O 2018 de verê xo dano koyanê Kurdîstanî.  Embaz Cemîl koyan de cade xo aver beno û beno fermandar. Embaz Cemîl her cade pêro erkanê xo ano ca. Têkoşînê ey do tim verê ma roşnî bikero.

 

Embaz Rûbar Batman Êlih de dadîya xo ra beno. Embaz Rûbar şehadetê embazanê xo ra pey 2016 de Xêrzan de tewrê gerîlayan beno. Embaz Rûbar, Avaşîn, Mamreşo û Garê de hem têkoşîn keno hem zî perwerde vîneno. Emba Rûbar averberdişê şerê tunelan de zî kedêka pîle dano. Embaz Rûbar rixmê ciwanîya xo zî serkewtişanê pîlan ano ca. Ma şexsê embaz Rûbarî de pêro embazanê xo yê şehîdan yad kenê û soz danê ke armanc û xeyalanê înan bîyarê ca.''