Merkezê Çapemenî û Îrtîbatî yê HPG’yî da zanayene ke artêşa Tirkî 12’ê Gulane de herêma Oremarî ya Geverê Colemêrgî de operasyon dayo despêkerdene.

Oremar de Yewê ci Payeberz 6 Leşkerî Ameyî Kiştene

Hîrayîya eşkerayîye de nê ameyî parekerdene:‘’ 13’ê Gulane de dewa Aslanî de  mabênê hêzanê ma û îşxalkaran de pêkewtişê xidarî ameyî ciwîyayene. Dimayê  pêkewtişanê ke xeylî leşkere dişmenî merdî û birîndar bîyî  yewîyê operasyonî peyser ancîyayî. Heman roje saetanê vera şanî de helîkopteran herêma dewa Aslanî bombardûman kerde. Roja bîne nîmrojî de teyareyanê şerî herême bombardûman kerde. Pêkewtişanê 2 rojan de tesbîtkerde yewê ci payeberz 3 leşkerî ameyî kiştene. Heman roje hêzanê ma herêmanê Talanê, Qela Perixanê û Zêrane de vera yewîyanê dişmenî 5 çalakîyê sabotajî viraştî. Netîceyê nê çalakîyan de 3 leşkerê dişmenî ameyî kiştene xeylî zî birîndar bîyî. 17’ê Gulane de artêşa Tirkî herême ra ancîyaye.

Gever de 4 Gerîlayî Şehîd bîyî

Nê pêkewtiş û bombardûman de embazê ma Çekdar Avaşîn, Çîyager Erîş, Devrîm Firat û Eriş Andok  şehîd bîyî. Nasnameyê embazanê ma yê ke şehîd bîyî pêra do rayapêroyî dir bêrê parekerdene.’’

Artêşa Tirkî bi Propaganda Şarî Xapînena

HPG’yî bale ante serê zûranê medyaya şerî ya taybete û va ‘’Artêşa Tirkî bi propnanda vîndekerdeyanê xo nimena. Wa şarê ma îtabarê înan nêkero.‘’

Agirî de Çalakîya Sabotajî

Eşkerayîye de ame vatene ke Agirdî de vera wesayîtêkê eskerî çalakîyêk ameya viraştene. Çarçeweya Hemleya Şorişgere ya Serkewtişî de 22’ê Gulane de Bazîdê Agirî de mabênê qereqolanê Serêkanîyê û Şile de vera wesayîtê tîpê Amarogî çalakîya sabotajî ameye viraştene. Çalakîya ke wesayît ame derbekerden de humara merde û birîndaranê dişmenî zelal nêbî. Çalakîye ra dima herême ameye bombardûmankerdene.

Hêrişê Hewayî

HPG’yî da zanaye ke 23’ê Adare de artêşa Tirkî  Xakurke de herêmê Ermûş û Elî Direjî, herêma Qendîlî de Kalatûka û Karox û Qilê Colemêrgî yê pabesteyê Metîna bombardûman kerdî, vîndîbîyayeyê înan çîn ê.