Merkezê Îtîbatî û Çapemenîye ye HPGyî derheqê çalakîyanê gerîlayan û hêrişê atêşa tirke de eşkerayîye daye û nê pare kerdî:

''10ê êlule de saetanê şewe de artêşa tirke  Sêrt de operasyonê îşxalî da destpêkedene. Saetanê şewe de bi helîkopteran herêmanê Derîyê Egîd, Diwana Mîr, Derîyê Keper, Şehîde Sorxwîne, Şehîd Resul, Bêmereşê, Çemê Karê û Şehîd Berxwedanî yê herêma Herekolî de leşkerî ameyî cakerdene. Operesayonê ke di rojî kerd derg 12ê êlule de peyser ame antene.

Ma eşkeraya xo ya 4ê temmuze de dabi eşnawitine ke artêşa tirke 24ê hezîrane de warê Neykîyanî yê Pulurê Dêrsimî de operasyon dayo destpêkerdene û netîceya hêrişê hewayî û pêkewtişan de hîrê embezê ma şehîd biyî. Kontrayo binameyê Murat Panzerogullari yo ke gerreyê embazanê ma kerd û cayê embazêkê ma yê birîndarî îşxalkeran a va û bi sebebê şehadetê embezanê ma 13ê êlule de cayo ke embaze tede şehîd bîyî de ame cezakerdene. Çalakî semedê qesasê embazanê ma Şavaş, Argeş û Şîyar ê ke şehîd bîyî ameye kerdene.

Çarçewa Hemleya Şorişgêre ya Şehîd Bager û Şehîde Ronya de hêzanê ma 16ê êlule de Qilê Çarçelî yê Zagrosî de vera îşxalkeran çalakîya sabotajî kerde.Çalakîya ke wesayîto leşkerî ame debkerdene de hûmara merde û birîndaranê dişmenî nêameye tesbîtkerdene. Badê çalakîye herême ameye bombardumankerdene.

6ê êlule de artêşa tirke warê Çemê Cehenemî yê qezaya Bêşebabî ya Şirnexî de operasyonêk da destpêkerdene. Operasyon 8ê êlule de destveng peyser ame antene. 15ê êlule de warê Gelîyê Marinosî yê Çelê ya Colemêrgî de operasyono ke ame destpêkerdene roja bînî destveng peyser ame antene.

Reyna 15ê êlule de warê wareyê Beytanê yê merkezê Colemêrgî de oprasyonêk ame destpêkerdene. Herême bi teyarayanê şerî ameye bombardumankerdene û operasyon ame hîrakerdene. Mabênê hêzanê ma û îşxalkeran de pêkewtişî vejîyayî. Hemrayê ma Numan, Eyleme û Dîlane yê ke bi hawayêkê qehremankî vera dişmanî şer kerd şehîd bîyî. Nasnameyê embezanê ma do peyra bêrê parekerdene.

Teyarayanê şerî yê dewleta tirke hêrişê Herêmanê Pawitişî yê Medya kerd. Goreyê naye; 17ê êlule de saetanê şewe de warê Kêste yê Metîna, mintiqaya Berbizina ya warê Goşîne yê Xakurkê, Qilê Casusanî û dewa Soregulê yê warê Şehîd Harûnî yê Qendîlî ameyî bombardumankerdne. Netîceya hêrişan de vînîbîyayeyê ma çîn ê. Badê hêrişî şewato ke erazîya Metîna de vejîya dewam keno.''