Merkezê Îrtîbatî û Çapemenîye yê HPGyî bi eşkerayîyêke da zanayene ke gerîla Gulabere Sîwerek (Dîlbere Kanat) menga çeleyî de Garê de wezîfeyê xo ser de varayîşê zêdeyî yê vewre û firteneyî ra şehîd bîya.

Eşkerayîye wina ya:

''Embaza ma Gulabere Sîwerek warê Garê de 17ê çeleyê 2022yî de wexto ke wezîfeyê xo ser de bîye varayîşê zêdeyî yê vewre û firteneyî ra şehîd bîye. Ma rê cayê xemginîye yo ke embaze Gulabera ke aşiqa erd û cografyaya Kurdîstanî bîya, netîceya nê serebûtê xoza de şehîd bîye. Ma soz danê ke do perwerê vîrameyîşê embaze Gulabere bibê û hesreta aye ya Kurdîstanê Azadî bîyarê ca.

Nasnameyê embaza ma ya şehîde wina yo:

Nameyê Qodî: Gulabere Sîwerek

Name û Peyname: Dîlbere Kanat

Cayê Bîyayîşî: Mersîn

Maye-Pî: Kudrete – Abdulkadîr

Tarîx û Cayê Şehadetî: 17ê Çeleyê 2022yî / Garê

Embaze Gulabere mîyanê keyeyêkê sêwregijî de Mersîn de dadîya xo ra bîya. Embaze Gulabera ke merdima kadroyanê verênan ê PKKyî ra Cuma Takî ya, qetî kulturê xo ra nêqerifîyaye û zaravaya kirdkî ya kurdkî bi hawayêkê tewr holî qisey kerdêne. Embaze Gulabere çîyê ke sîstemî cinîyan rê ferz kerdêne red kerdî û xîret kerd sey cinîyêke payan ser de vindera. Embaze Gulabere 2015 de bire daye û 2 way û birayê xo de tewrê gerîlayan bîye.

Embaze Gulabere cade cuya gerîlayan musaye û kerd ke heqê perwerdeyan bida. Embaze Gulabere xo xeta şehîdan û Rayberîye de tim ercna û krîterê xo goreyê na xete dîyar kerdî. Embaze Gulabere Akademîya Şehîde Bêrîtane de perwerde dî û tîya de xo aver berd. Embaze Gulabere tim xîret kerd ke îdeolojîya Rayberîye her ca de serwer bikera. Embaze Gulabere warê leşkerîye de zî bîye fermandarêka marîfetîne. Şehadetê aye yê bêwextî û şiklê şehadetê aye sey embazanê ci ma zaf qehirna.

Ma sere de keyeyê ercîyayeyî yê embaze Gulabere rê, pêro şarê welatperwerî yê Kurdîstanî rê serweşîye wazenê.''