Merkezê Îrtîbatî û Çapemenîye yê HPGyî bi eşkerayîyêke da zanayene ke gerîla Rodî Nalîn (Orhan Elma) 3yê kanûne de Kerboran de şehîd bîyo 

Eşkerayîye wina ya:

''3yê kanûna 2023yî de qezaya Kerboranî ya Mêrdînî de dormeyê bajrekê Deywanî de di embazanê ma dişmen de temas kerd. Tîya de embazanê ma bi çekanê xo yê ferdîyan cewab da artêşa tirke ya îşxalkere û ê bi cesaretê pîlî pêkewtî. Nê pêkewtişanê giranan de wird embazanê ma zî seba ke nêkewê destê dişmenî xo ser de bomba teqnaye û wirdî zî şehîd bîyî. Ame qetîkerdene ke nê embazanê ma ra yew embaz Rodî Nalîn o. Wexto ke nasnameyê embazê ma yê bînî bêro qetîkerdene ma do pare bikerê..

Embazê ma Rodî serê erkê xo de tewrê pêkewtişî bi, bi layîqî vera dişmenî vejîya û şehîd bi. Ma sere de keyeyê ci yê ercîyayeyî rê pêro şarê Kurdîstanî û Mêrdînî yê welatperwerî rê serweşîye wazenê. Ma soz danê ke têkoşînê azadîye yo ke embaz Rodî bi fedayîtî û bê teredutî tewrê ci bibi, biresnê serfîrazîye.

Nasnameyê embazê ma Rodîyî wina yo:

Embazê ma Rodî  dewa Marîne ya qezaya Nisêbînî ya Mêrdînî de dadîya xo ra beno. Waka ey Nalîne (Nadîre Elma) 1992 de tewra gerîlayan bîye û 1999 de Garzan de şehîd bîye. Tedayan ra keyeyê ci 1993 de koçê Îstanbulî keno. Embazê ma Rodî zî hêverî tewrê xebatanê ciwanan beno û dima zî 2007 de Xakurkê de tewrê gerîlayan beno. 

Embaz Rodî 2011 de verê xo dano herêma Botanî ya Vakurê Kurdîstanî. O Besta ra heta Cûdî, Gabarî ra heta Botanî xeylêk waran de têkoşîn keno. Embazê ma Rodî bi kesayet û cesaretê xo pêro embazanê xo rê beno mîsal. Embaz Rodî 2017 de ancî derbazê Herêmanê Pawitişî yê Medya beno û Akademîya Şehîd Îbrahîmî de perwerde gêno. Embaz Rodî 2019 ra dima derbazê Mêrdînî beno. O heta şehadetê xo qetî nêvindeno û qetî tewirê xo ra tawîz nêdano.''