Merkezê Îrtîbatî û Çapemenîye yê HPGyî bi eşkerayîyêke da zanayene ke Fermandar Siddik Budakbeyoglu (Azad Çelê) nêweşîye ra şehîd bi. Eşkerayîye wina ya:

''Ewlado ercîyaye yê merkezê welatperwerî Çelê  û Kurdîstanî, fermandaro çêr embaz Azad Çelê nêweşîye ra 2ê êlula 2021î de Herêmanê Pawitişî yê Medya de şehîd bi.

Nasnameyê embaz Azad Çelêyî wina yo:

Nameyê Qodî: Azad Çelê Name û Peyname: Siddik Budakbeyoglu Cayê Bîyayîşî: Çelê Maye-Pî: Hedîye – Fazlettîn Tarîx û Cayê Şehadetî: 2ê Êlula 2021î / Herêmê Pawitişî yê Medya

Ma sey Gerîlayanê Azadîye yê Kurdîstanî sere de keyeyê ercîyayeyî yê embaz Azadî rê, şarê Çelê rê û pêro şarê Kurdîstanî rê serweşîye wazenê.

Qezaya Çelê semedo ke serê sînorê Başûr û Vakurî de ya û werteyê koyanê Zagrosî de ya tim bîye merkezê serewedaritişan.Şarê Çelê qetî kurdayetîya welatperwere ra fek vera nêda. Şarê Çelê ronayîşê PKKyî ra dima verarê xo têgêrayîşî rê akerd û bi teqîbkerdoxê na dewa. Mîyanê 40 serran de ewladê tewr fedayî, azad, marîfetînê Çelê tewrê gerîlayan bîyî. Artêşa ma ya gerîlayan pê nê tewrbîyayîşan bîye pîl û pê artêşa xo ya bêmergan ver bi serkewtişî şîye, mîrasêko pîl viraşt. Awankerdişê nê mîrasê rûmêtînî de cayê Rayber Apoyî, şehîdanê ezîzan, şarê Kurdîstanî û bêguman cayê şarê Çelê esto.

Embaz Azad Çelê serra 1972î de qezaya Çelê ya Colemêrgî de dadîya xo ra bîyo. Semedo ke Çelê wayîrê tarîxê serewedaritişan bi û keyeyê embaz Azadî welatperwer bi o zî pê hîsanê weltaperwerîye bi pîl. Ey têkoşînê Apogîran nêzdî ra şinasna. Ey heta lîseyî wend dima zî kewt pê cigêrayîşan.

Embaz Azad nê esasî ser o serra 1990î de tewrê ERNKî bi. 4 serran ra dima 1993 de o tewrê ARGKyî bi û bi gerîla. Ey wextanê tewr zehmetan de Zagrosan de gerîlatîye kerde, bi çêrîyêka pîle çalakîyan de tewr vernî de ca girewt û bi fermandarêko Apogîr o wayîrtecrube û sereberz. Ey Zagrosan ra heta Behdînanî, Behdînanî ra heta Qendîlî embaz Azadî pê erk û mesuldarî xîret kerd. Ey xeylêk çalakîyan de serkewtiş vist destî. O dima derbazê warê Rayberîye û tewrê perwerdeyê Rayber Apoyî bi. Ey cuya Rayber Apoyî pê çimê xo dîye, dersê girîngî tira girewtî û sey milîtanêkê bawermendî  mîyanê asayîşê Rayber Apoyî de ca girewt. Proseso ke Rayber Apoyî ra mend semedê ey bi wexto dîyarker û çîyê ke o Rayberîye ra musayo bîyî esasê cuya ey.

Ey sey şagîrtêkê Rayber Apoyî û embazêko Apogîr reyna verê xo da Zagrosan û heta 2011î uca de têkoşîn kerd. Bi taybetî prosesê 2011î de ey rayberîya operasyonanê gerîlayan kerde. Wextê hêrişanê DAÎŞî de embaz Azadî çeka xo girewte xo dest û vera DAÎŞî cepheyê tewr vernî de şer kerd. Dima o ancî agêra koyanê Kurdîstanî û vera faşîzmê dewleta tirke têkoşînî rê dewam kerd.

Embaz Azado ke wextê şerî de yew linga xo vînî kerdbi, gazî bi û têna bi protezî eşkerayêne şoro no sey astengî nêdî û rayraşîyayîşê xo yê şorişî rê bêmabên dewam kerd. Ey tewrbîyayîşê xo kêm dî û bi raporêk waşt ke çalakîya fedayîye bikero.  Ruho fedayî, perwerîya ey a bêteredute, milîtanîya ey a xurte û enerjîya ci ya bêpeynî ERNKyî ra, heta şerwanîya ARGKyî û fermandarîya HPGyî, gerîlatîya modernîteya demokratîke mîyanê 32 serranê şorişgêran de serkewtişê pîlî afernayî. Ey Endamîya Kosneya Fermandarîye de wezîfe kerde û fermendarîya eyaletî kerde.

Embaz Azad pê kesayetê xo yê bi coş û kelecanî roja verêne ya tewrbîyayîşê xo eşkayêne zaf çîyan bikerê la pê nêweşîya kanserî kewt. Ey pê moralê şorişgêrî û bawerîya Apoyî vera na nêweşîye têkoşîn kerd û na nêweşîye bin kerde. La wextanê peyênan de na nêweşîye tede reyna virazîyaye û bîye sebebê şehadetê ci. Embazê ma Azadî heta nefesê ci yê peyênî zerrîya ci semedê Rayberîye, şehîdan û şarê ci gulp da. Ey cuya xo ya têkoşînî de serkewtişê pîlî vsitî destî, fermandarî û milîtanîya fedayîye ya Apogîre bi hawayêkê sereberzî temsîl kerde û nameyê xo tarîxê çerîye yê Kurdîstanî de da nuştene.

Şarê ma yê Çelê yo welatperwer û şarê Kurdîstanî do heta peynî bi fermandarê Azad Çelêyî sereberz bibo, ciwanê Kurdîstanî ey sey mîsalî bigêrê û çeka ey erdî de meverdê. Ma soz danê ke armancanê embaz Azad Çelêyî bîyarê ca û wayîrê vîrameyîşê ey vejîyê.

Nê esasî ser o ma reyna keyeyê ercîyayeyî yê embaz Azadî rê, şarê Çelê rê û pêro şarê Kurdîstanî rê serweşîye wazenê.''