Merkezê Îrtîbatî û Çapemenîye yê HPGyî bi eşkerayîyêke da zanayene ke Fermandar Saît Ergul (Denîz Pîr) şehîd bîyo. Eşkerayîye wina ya:

''Embazê ma Fermandar Denîz Pîr bi serran têkoşînê azadîye yê Kurdîstanî de perwerê erjanê azadîye, durîstî bi û fermandarêko fedayî yo Apogîr bi. Embaz Denîz Pîr 21ê gulana 2021î de Qendîl de bi hawayêkê bêtelehî kendalî ra gina war û şehîd bi. Embaz Denîz pê tewirê xo yê têkoşînî û terzê xo yê fedayî pêro embazanê xo rê bi mîsal, pêro astengî û zehmetî xo ver ra wedaritî û bi wayîrê rayraşîyayîşêkê bêhesabî. Ey xoverdayîşê xo yê zîndanan kirişt koyanê Kurdîstanî, çar paçeyanê welatê ma de têkoşîn kerd û her hela têkoşînî de bi perwerîya Rayberîye û şehîdan mesuldarîyê xo ardî ca. Ma sey embazanê ey îfade kenê ke ma pê sereberz ê ke binê fermandarîya ey de têkoşîn kerd. Ma soz danê ke têkoşînê ey bi serfîrazî tacîdar bikerê.

Nasnameyê embaz Denîz Pîrî wina yo:

Nameyê Qodî: Denîz Pîr Name û Peyname: Saît Ergul Cayê Bîyayîşî: Agirî Maye-Pî: Xezale – Mehmet Tarîx û Cayê Şehadetî: 21ê Gulana 2021î /Herêmê Pawitişî yê Medya

Embaz Denîz Agirî de dadîya xo ra beno. Embaz Denîz wextoke 15 serre bi şino metropolanê Tirkîya ke bixebito û tîya de nijadperestîye nêzdî ra vîneno. Embaz Denîz wexto ke artêşa tirke ya îşxalkere de leşkerîya mecbûrîye kerdêne tay embazanê xo de bire dano ke fîrar bikero û tewrê gerîlayan bibo. Embaz Denîz tay sebeban ra nêeşkeno armancê xo bîyaro ca. O 15ê tebaxa 1999î de vera Komployê Mîyanneteweyî Dêrsimî ra tewrê gerîlayan beno.

O wexto ke Dêrsimî ra derbazê Herêmanê Pawitişî yê Medya beno pa tay  embazan raştê hêrişî yeno û beno esîr. O panc serran zîndan de maneno û tîya de Rayberîye û PKKyî ser o waneno, xo hîna aver beno. 2005 de dima ke zîndanî ra vejîyeno verê xo reyna dano koyanê azadan û 15ê Sibata 2005î de reyna tewrê gerîlayan beno. O Ocaxê PKKyî de perwerde vîneno, dima warê Amanosî de têkoşîn keno. O şeş serran Amanos de serkêşîya çalakîyanê xurtan keno û dima agêreno Herêmanê Pawitişî yê Medya.

Embaz Denîz 21ê gulana 2021î de bi hawayêkê bêtelîhî şehîd beno. Ma sey embazanê ci soz danê ke wayîrê vîrameyîşê embaz Denîzî vejîyê, erkê şorişî yê ke ey dewrê ma kerdê, qetî do bîyarê ca.''