Merkezê Îrtîbatî û Çapemenîye yê HPGyî nasnameyê gerîlayêka şehîde eşkera kerd. Eşkerayîye wina ya:

''Têgêrayîşê Azadîye yê Kurdîstanî bingeyê paradîgmaya Neteweya Demokratîke ya Rayber Apoyî de seba ke azadîya şarê kurdî bîyaro ca, krîterê xoîdarekerdişî sîstematîk bikero û vera hêrişanê dewlete-sîstemê serdestîya camêrdan têkoşîn bikero bi qerardarî têkoşînê tewr pîlî yê merdimîye bikero.Têkoşînê ma yê azadîye yê 50 serran serkêşîya cinîyan de newe ra nasnameyê kurdanê azadan awan kerd, na raştîye rêxistin kerde û nê bingeyî de bi hêvîya pêro merdimîye û cinîyan. Xora no têkoşîn serkêşîya tarîxîye ya Rayber Apoyî û bingeyê fedayîtîya şehîdanê ma de ame kerdene. Na raştîye bi ked, xîret û fedayîtîya embazanê ma de her ke şina bena pîlêre.

Raştîya şehîdan bawerîya azadîye kena pîlêr, têkoşînî kena radîkal, vera dişmenî hêzê ma kena pîlêr û têgêrayîşê ma hîna zaf nêzdîyê serfîrazîye kena. Embaza ma ya fermandara serkêşe Amara ya ke têkoşînê bi serkêşîya cinîyan de wayîra kedan û fedakarî ya, hêrişanê îşxalî yê vera Herêmanê Pawitişî yê Medya de şehîd bîye û resaye na raştîye. Ma soz danê ke têkoşînê embaze Amara heta ke biresnê serfîrazîye bêmabên bikerê.

Nê esasî ser o ma soz danê ke şexsê embaze Amara de qesasê pêro şehîdanê azadîye bigêrê û her warê cuye de vîrameyîşanê şehîdanê xo bidê ciwîyayene. Ma sere de dadî û keyeyê aye yê ercîyayeyî rê, pêro şarê welatperwerî yê Kurdîstanî rê serweşîye wazenê.

Nasnameyê embaze Amara Ronahî wina yo:

Nameyê Qodî: Amara Ronahî Name û Peyname: Gamze Laçîn Cayê Bîyayîşî: Mersîn Maye-Pî: Sevîme – Mehmet Tarîx û Cayê Şehadetî: Tebaxa 2022yî /Herêmê Pawitişî yê Medya

Embaze Amaraya ke domananê Dêrsimî ra ya, la seba ke keyeyê ci koç kerdbi Mersîn de dadîya xo ra bena. Embaze Amara binê kesayetê kemalîst û dewletperwerî yê babîyê xo de nê, binê kesayetê welatperwer û xoverdayoxî yê dadîya xo de bena pîl. Embaze Amara sey cinîyêka kurde û elewîye perwera kok, ziwan û bawerîya xo bena. A dadî û birayê xo de agêrena Amed, tîya de wanena û tewra xebetanê ciwanan bena. Embaze Amara 2011 de zî Erziromî ra tewra gerîlayan bena.

A verî Erzirom de gerîlatîye pratîze kena û tîya de hem serranê zehmetan hem zî serranê rindan derbaz kena. A tim Rayberîye wanena, fikranê ci ser o cigêrayîşan kena. Embaze Amara îdeolojîya azadîya cinîyan a Rayber Apoyî de xo kena yew û ruhê serewedaritoxî yê Dêrsimî kirişena Erziromî.

Wextê hêrişanê DAÎŞî yê vera Kobanê de embaze Amara bi israrî derbazê Kobanê bena û tîya de şahîdîya qehremanîyanê pîlan bena. Serfîrazîya Kobanê ra dima a reyna verê xo dana koyan û narey Akademîya Şehîde Bêrîtane de perwerde vînena. Dima embaze Amara derbazê Garê bena. A wextêk mîyanê xebatanê HPGyî de cagêna û kena ke hîs, ziwan û têkoşînê gerîlayan biresna şarî.

Embaze Amara tim kena ke embazanê xo de têkilîya rinde awan bikera, xo aver bera û tecrubeyanê xo embazanê xo de vila bikera. A pê kesayet û milîtanîya xo bena mazhara hûrmet û heskerdişê pêro embazanê xo. Embaze Amara hêrişê îşxalî yê dişmenî yê vera Herêmanê Pawitişî yê Medya de şehîd bena. Embaze Amara sey milîtanêka xurt û qehremanî ya Dêrsimî tewra nê têkoşînî bîya û alaya xo ya têkoşînî dewrê embazanê xo kerda.''