Merkezê Îrtîbatî û Çapemenîye yê HPGyî eşkera kerd ke milîtananê PKKyî yê serkêşan ra û fermandaro kedkar Şîyar Efrîn temmuze de hêrişê dişmenî de şehîd bîyo. Eşkerayîye wina ya:

''Milîtananê PKKyî yê serkêşan ra û fermandaro kedkar embazê ma Şîyar Efrîn menga temmuze ya 2024î de, Herêmanê Pawitişî yê Medya de hêrişê dişmenî de şehîd bi.

Embazê ma Şîyarî tim pêro erk û mesuldarîyê xo bi eşqêkê pîlî ardî ca, heta nefesê xo yê peyênî têkoşînî ra fek vera nêda û embazanê ma rê bi nimûne. Ma zî soz danê ke rayraşîyayîşê Rayberîya Azade û Kurdîstanê Azadî ser bivisnê.

Ma sere de keyeyê embaz Şîyarî yê ercîyayeyî rê, pêro şarê Kurdîstanî û Efrînî yê welatperwerî rê serweşîye wazenê.

Nasnameyê embazê ma Şîyar Efrînî wina yo:

Nameyê Qodî: Şîyar Efrîn

Name û Peyname: Lokman Îsmaîl

Cayê Bîyayîşî: Efrîn

Maye-Pî: Emîne-Mehmet

Tarîx û Cayê Şehadetî: Temmuza 2024î / Herêmê Pawitişî yê Medya

 

Embazê ma Şîyar Efrîn de dadîya xo ra beno. La keyeyê ci tedayanê rejîmê Baasî ra dima koçê Helebî keno. O 1994 de tewrê xebatanê sîyasîyan beno. 1995 de o bi qerardarî verê xo dano koyan û beno gerîla.

Embazê ma Şîyar perwerdeyê xo yê verênî Rayber Apoyî ra gêno. Mabênê 1996-2004î de o Zagrosan de têkoşîn keno û beno fermandarêkê ARGKyî yo qerardar. 2004 de Akademîya Hakî Karerî de perwerde vîneno û xebatanê Qerargehê HPGyî de cagêno.

2006 de o Akademîya Mahsum Korkmazî de perwerde vîneno û 2007 de derbazê herêma Botanî beno. O beno endamê Fermandarîya Têkilîyanê Şarî ya Botanî. O 2015 de Şirnex de serkêşîya xoverdayîşê xoîdarekerdişî keno. 2016 de o derbazê Herêmanê Pawitişî yê Medya beno la sey fermandarêkê YPSyî xebatanê akademîkan rê zî dewam keno.

Embazê ma Şîyar 30 serran bi hawayêkê bêmabênî têkoşînê azadîye keno û beno mazharê hûrmet û heskerdişê pêro embazanê xo. O Zagrosan ra heta koyanê Botanî û Herêmanê Pawitişî yê Medya nameyê xo tarîxî ser de nuseno.''