Merkezê Îrtîbatî û Çapemenîye yê HPGyî da zanayene gerîla Bager Başkale Metîna de şehîd bîyo û  nê detayî pare kerdî:

''1ê teşrîna verêne warê Metîna de pêkewtişan û hêrişê hewayî yê artêşa tirke  de hemrayê ma Bager Başkaleyo ke sey fermandarê ciwanî nê têkoşînî rê serkêşîye kerde, heta nefesê xo yê peyêne şer kerd û tewrê kerwanê şehîdan bi.

Nasnameyê hemrayê ma yê şehîdî wina yo:

Nameyê Qodî: Bager Başkale Name û Peyname: Battal Ayhan Cayê Bîyayîşî: Wan Maye-Pî: Zeycan - Nîhat Tarîx û Cayê Şehadetî:  1ê Teşrîna Verên a 2022yî /Metîna

Hemrayê ma Bager Elbak de yeno dinya û pê kulturê welatperwerî beno pîl. Seba ke merdiman  û dormeyê ci ra kesê ke tewrê gerîlayan bîyî est ê hema qijtîya xo ra polîtkaya hêrişkare ya dişmenî vîneno û vera ci vejîyeno. 2015 de semedê pawitişê şar û erdê xo tewrê sefanê gerîlayan beno. Wan de 3 serrî gerîlatîye keno û her roje xo aver beno. Hemrayê me Bager sey gerîlayêkê serkewteyî çalakîyan rê serkêşîye keno û beno fermandar. Dima ke xo her hetî ra perwerde keno  sey fermandarê yewîye rarêveno Metîna û tîya xeylêk wext maneno. Xoverdayîşê metîna de mîyanê çalakîyanê serkewteyan de ca geno û derbanê pîlan dano îşxalkeran ro.

Ma sere de keyeyê erjîyayeyî yê hemrayê xo Bagerî heme şarê welatperwerî yê Kurdîstanî rê serweşîye wazenê û sozê xo serkewtişî newe kenê.''