Merkezê Îrtîbatî û Çapemenîye yê HPGyî bi eşkerayîyêke nasnameyê çar şehîdanê Zapî eşkera kerdî.

Eşkerayîye wina ya:

''Warê Zapî yo ke yede xoverdayîşê destanwarî qewimîyenê û bi desan destanê qehremanîye nusîyayê, ewro zî nê mîsyonê xo yê tarîxî ano ca û beno şahidê xoverdayîşêkê bêhempayî. Gerîlayê azadîye bi felsefeya Rayber Apoyî xo kenê de, pê îrade û bawerîya xo vera artêşa tirke ya îşxalkere şerêkê bêmabênî kenê û her roje derbanê giranan danê dişmenî ro. Gerîlayê ke her warê Zapî vurnenê warê xoverdayîşî qerardar ê ke se beno wa bibo nê xoverdayîşî pê serfîrazîye tacîdar bikerê. Embazanê ma Mîrxan, Fuat, Şîyar û Serhedî zî bi tewrbîyayîşê xo yê fedayî yê mîyanê xoverdayîşê tarîxî serkêşîye kerde û derbê giranî dayî dişmenî ro.

Embazê ma Mîrxan, Fuat, Şîyar û Serhed pê semîmîyatê xo yê embazîye û çêrîya xo ya şerî bîyî mîsalê milîtanîya Apogîran. Ma sere de keyeyanê înan ê ercîyayeyan rê pêro şarê welatperwerî yê Kurdîstanî rê serweşîye wazenê.

Nasnameyê embazanê ma yê şehîdan wina yê:

Nameyê Qodî: Mîrxan Raperîn Amed Name û Peyname: Ramazan Başhan Cayê Bîyayîşî: Amed Maye-Pî: Bedrîye – Şemsettîn Tarîx û Cayê Şehadetî: 11ê Tebaxa 2022yî / Zap

 

Nameyê Qodî: Fuat Apocî Name û Peyname: Moxtar Konepoşî Cayê Bîyayîşî: Merîvan Maye-Pî: Qumrîye – Alî Tarîx û Cayê Şehadetî: 11ê Hezîrana 2022yî / Zap

 

Nameyê Qodî: Şîyar Botan Name û Peyname: Emrullah Firat Cayê Bîyayîşî: Mersin Maye-Pî: Şukrane – Îkram Tarîx û Cayê Şehadetî: 25ê Temmuza 2022yî / Zap

 

Nameyê Qodî: Serhed Amed Name û Peyname: Delîl Zengîn Cayê Bîyayîşî: Amed Maye-Pî: Rahîme – Mehmet Tarîx û Cayê Şehadetî: 1ê Temmuza 2022yî / Za

Embazê ma Mîrxan qezaya Çinarî ya Amedî de dadîya xo ra beno. Embazê ma Mîrxan verî xebatanê ciwanan de cagêno û 2014 de tewrê Xoverdayîşê Kobanê beno. Embazê ma Mîrxan dima Mêrdîn de tewrê gerîlayan beno. Mêrdînî ra pey o Bestaya Botanî de gerîlatîye keno. O wextê Xoverdayîşê Xoîdarekerdişî de zî bi hawayêkê aktîfî cagêno .

Embazê  ma Mîrxan dima sey fermandarêkî derbazê Garê beno û perwerdeyê akademîkî ra dima zî verê xo dano Zapî. Embazê ma Mîrxan Zap de beno wayîrê kedêka pîle û çalakîyan de derbanê giranan dano dişmenî ro. O pê kesayet û embazîya xo beno mazharê heskerdiş û hûrmetê pêro embazanê xo, bi fedayîtî şer keno û beno mîsalêko ezîz ê milîtanîya Apogîran.

Embazê ma Fuat şaristanê Merîwane yê Rojhelatê Kurdîstanî de dadîya xo ra beno. Embazê ma Fuato ke keyeyêkê têkoşer û welatperwerî de beno pîl şehadetê di birayanê xo ra dima 2015 de verê xo dano koyan û beno gerîla. Embazê ma Fuat xo felsefeya Rayber Apoyî de aver beno. O Herêmanê Pawitişî yê Medya de tewrê xoverdayîşê pîlî yê verê dişmenî beno.

Embazê ma Fuato ke çalakîya Girê Cehenemî de zî cagirewtbî, tîya de dekeweno mîyanê xeymanê dişmenî û derbêka girane daye dişmenî ro. Têkoşînê embazê ma Fuatî sere de şarê Rojhelatê Kurdîstanî rê pêro şarê kurdî rê û ciwanan rê beno çimeyê îlhamî.

Embazê ma Şîyar Sêrt de dadîya xo ra beno. Keyeyê ey tedaya dewlete ra koçê metropolan beno. Embazê ma Şîyar tîya de hêverî xebatanê ciwanan de cagêno û dima hêrişanê DAÎŞî ra dima 2014 de tewrê gerîlayan beno. O Xakurkê de dest pê gerîlatîye keno û tim xo warê leşkerî de aver beno. Embazêê ma Şîyar wextê hêrişanê DAÎŞî de Şingalî paweno û dima derbazê Zapî beno. Embazê ma Şîyar Zap de kedêka pîle dano viraştişê tunelanê şerî. Embazê ma Şîyar 2021 de hêrişanê vera Zapî de tewrê xeylêk çalakîyan beno û pa embazanê xo Zapî vurneno warê xoverdayîşî. O warê Saca de hêrişê dişmenî de beno şehîd.

Embazê ma Serhed Amed de dadîya xo ra beno. Embazê ma Serhed vera hêrişanê îşxalî yê dişmenî Amed de tewrê gerîlayan beno. O Amedî ra derbazê warê zehmetî Zapî beno û tîya de sey gerîlayêkî xo aver beno. Embazê ma Serhed bi serran warê Zapî de maneno û tim xoaverberdişî keno esas. Embazê ma Serhed Hemleya Şorişgêre ya Bazanê Zagrosî de derbanê giranan dano dişmenî ro û pêro çalakîyan de tewr vernî de cagêno. Embaz Serhed Zap de beno serkêşanê Hemleya Bazanê Zagrosî ra yew. Ma soz danê ke têkoşînê ey bi serfîrazî tacîdar bikerê.''