Merkezê Îrtîbatî û Çapemenîye yê HPGyî bi eşkerayîyêke nasnameyê 2 şehîdanê Geverî eşkera kerdî.

Eşkerayîye wina ya:

''19ê êlula 2022yî de dişmenî dewanê Darê, Yekmalê û Kapotê yê Geverî de operasyonêko hîra dabi destpêkerdene. Nê operasyonî hêzê kontrayî yê xayînî zî hetê leşkeranê dişmenî de tewrê operasyonî bîyî. Heman roje embazê ma Asoye û Evîne û hêzê dişmenî kewtî pê û bi saetan pêkewtişê giranî qewimîyayî. Nê pêkewtişan de xeylêk leşkeranê dişmenî reyde hîrê kontrayî zî ameyî cezakerdene. Embazanê ma Asoye û Evîne zî nê pêkewtişan de bi fedayîtî heta helma xo ya peyêne şer kerd û şehîd bîyî. Embaze Asoye û Evîne sey milîtananê cinîyan ê azadan ê Apogîran têkoşînê  ma yê azadîye de bîyî mîsalê duristîye û pakîye. Wird embazê ma bîyî mîsalê eşkerayî yê biîradebîyayîş û fedayîtî yê Apogîrî, çimeyê hêz û moralî yê embazanê xo û perspektîfê têkoşînî.

Nasnameyê embazanê ma yê şehîdan wina yê:

Nameyê Qodî: Asoye Dîren Tekoşîn Name û Peyname: Gulistane Canbey Cayê Bîyayîşî: Bedlîs Maye-Pî: Remzîye – Necmettîn Tarîx û Cayê Şehadetî: 19ê Êlula 2022yî / Gever

Nameyê Qodî: Evîne Rêber Andok Name û Peyname: Rojda Şik Cayê Bîyayîşî: Amed Maye-Pî: Ferrahe – Hakki Tarîx û Cayê Şehadetî: 19ê Êlula 2022yî / Gever

Embaza ma Asoye Bedlîs de dadîya xo ra bena. Dima ke 24ê adara 2012î de Xîzanê Bedlîsî de serkêşîya embaze Arjîne Garzan (Leyla Altan) de 15 gerîlayî şehîd bîye a zî Garzan de tewra gerîlayan bena.

Embaze Asoye verî Gaarzan de gerîlatîye kena û 2013 de derbazê Metîna bena. Embaze Asoye û embaze şehîde Tekoşîne Amed (Zelale Kartal) warê Qaşura de seba çalakîyêka fedayîye soz danê yewbînan.

Embaza ma Têkoşîne Amed 10ê êlula 2017î de Licê de qereqolê Dangolî kena hedef û şehîd bena. Embaze Asoye zî tewra Hêzanê Taybetan bena û ebna fermandarêka YJA-Starî. Embaze Asoye pêro erkanê xo tim ana ca û derbazê Zagrosan bena. A warê Geverî de derbanê giranan dana dişmenî ro, heta şehadetê xo bi fedayîtî şer kena û mîsyonê xo yê serkêşîye bi layîqî ana ca.

Embaze Evîne Amed de dadîya xo ra bena. Embaze Evîne cigêrayîşan ra dima 2014 de verê xo dana koyan. Embaze Evîne mîyanê cuya gerîlatîye de goreyê hişmendîya felsefeya Rayberîye û krîteranê embazîye têgêrena. A tim kena ke xo aver bera û tim wanena. Bi nê hawayî embaze Evîne bena milîtanêka serkewte ya YJA-Starî. A Garê û Xakurkê de wezîfe kena, bena wayîra tecrubeyanê pîlan. Embaze Evîne dima derbazê Geverî bena û xeylêk çalakîyanê Geverî de derban dana dişmenî ro. A embaze Asoye reyde 19ê êlula 2022yî de vera dişmenî şer kena û şehîd bena.

Embazanê ma Evîne û Asoye tim kerd ke bi tewirê fedayî û aktîfîya xo bibê layîqê embazanê xo yê şehîdan û Rayber Apoyî. Ma sere de keyeyanê ercîyayeyan ê embazanê xo rê pêro şarê welatperwerî yê Kurdîstanî rê serweşîye wazenê. ''