HPG’yî da zanayene ke artêşa Tirkî ya îşxalkare operasyonê îşxalî yê vera Heftanîn de derbeyêka tarîxîye werde û vat:’’ Çalakîya 25’ê Tebexe ya gerîlayan a ke hîrê hetan ra ameye viraştene de tewr tay 20 leşkerî ameyî kiştene.
Merkezê Çapemenî û Îrtîbatî yê HPG’yî bi eşkerayîyêk da zanayene ke gerîlayan Heftanîn de derbeyêka tarîxîye daye artêşa Tirkî ro û vat Çalakîya 25’ê Tebexe ya gerîlayan a ke hîrê hetan ra ameye viraştene de tewr tay 20 leşkerî ameyî kiştene.
Eşkerayîye de nê ameyî vatene: ‘’ Ma eşkerayîya xo ya 25’ê Tebaxe de dabi zanayene ke artêşa Tirkî Qilê Partîzanî de operasyon dayo destpêkerdene. Hezanê ma heman roje de hîrê hetan ra da îşxalkaran ro. Çalakîye de tewr tay 20 leşkerî ameyî kiştene bi desan zî birîndar bîyî. Dimayê çalakîye herrême heta saetanê şanî ameye bombardûmankerdene. Bado ke îşxalkaran derbeyê girdî werdî averşîyayîşê înan ame vindetene.
23’ê Tebaxe de herêma Qesrokê, 24’ê menge de zî herêma Bektorya ameye bombardûmankerdene. Hêrişê Bektorya de embazêkê ma şehîd kewt. Hayîdarîyê nasnameyê embazê yo ke şehîd bi do rayapêroyîye dir bêro parekerdene.’’
