Merkezê Çapemenî û Îrtîbatî yê HPG’yî bi eşkerayîyêk derheqê çalakîya Şemîzananî de zanayîş da. Eşkerayîye de hayîdarîyê nasanmeyê gerîlayêk zî ameyî eşkerakerdene.

Eşkerayîye de nê ameyî parekerdene: ‘’16’ê Tebaxe de hêzanê ma çarçeweya Hemleya Şorişgêre ya Şehdî Bager û Şehîde Ronya de qezaya Şemzînanî ya Colemêrgî de bi çalakîyêk Hemleya 15’ê Tebaxe silam kerde.  Leşkerê ke Qilê Leylekî de ameybî cakerdene di qolan ra ameyî pirodayene. Hêzê ma heta mewzîyanê dişmenî şîyî û dişmenî ser o adir varna. Çalakîya ke mewzîyê dişmenî ameyî destfînayene hêzê ma şîyî meyîtê leşkerêk ser û sîlehêkê BKC’yî yê dişmenî pîya bi malzemeyê ci fîna dest. Reyna mewzîyêk di zî dûrvînê teleskopî ameyî îmhakerdene.Yewîya ma ya ke çalakîye viraşte weşûwar resaye cayê  xo.

18’ê Tebaxe de teyareyanê şerî yê artêşa Tirkî Wareyê Pawitişî yê Medya ra Zap de  Qilê Cûdî yo ke mintiqaya Gundê Filleha de yo bombardûman kerd. Bobardûman de vînîbîyayê ma çîn ê.

Çinar de Gerîlayêk Şehîd Bi

30’ê Tebaxe de qezaya Çinarî ya Amedî de derûdorê dewa Barê de embazê ma Mûzûro ke karê xo ser o bi raştê îşxalkaran ame û pêkewtiş vejîya.  Embaz Mûnzûr heta guleyê xo yê peyên vera dişmenî bi qehramankî xover da û tewrê kewanê şehîdan bi. Hayîdarîyê nasnameyê embzê ma wina yê:

Nameyê Qodî: Mûnzûr Dîcle Name Peyname: Mazlûm Serhat Gunduz Cayê Bîyayîşî: Amed Maye - Pî: : Emîne – Suleyman Tarîx û Cayê Şehadetî: 30’ê Tebaxe 2019 / Amed

Ma vanê wa sere de sereyê keyeyê embazê ma yo ke resayo şehadet, sereyê heme şarê ma yê welatperwerî weş bo û ma soz danê heta ma waştişanê şehîdanê xo bica bîyarê ma do mucadeleyê xo bidomnê.’'