HPG: Gever de 7 îşxalkerî ameyî cezakerdene
Gerîlayanê HPG û YJA-Starî Gever de vera artêşa tirke ya îşxalkere çalakîyî kerdî. Netîceya çalakîyan de yewê ci payeberz 7 îşxalkerî ameyî cezakerdene. Şemzînan de zî 3 kozikî ameyî îmhakerdene.
Gerîlayanê HPG û YJA-Starî Gever de vera artêşa tirke ya îşxalkere çalakîyî kerdî. Netîceya çalakîyan de yewê ci payeberz 7 îşxalkerî ameyî cezakerdene. Şemzînan de zî 3 kozikî ameyî îmhakerdene.
Merkezê Îrtîbatî û Çapemenîye yê HPGyî derheqê çalakîyanê gerîlayan de eşkerayîye daye. Eşkerayîye wina ya:
Gever
Serê sibayî 13ê êlule de artêşa tirke ya îşxalkere bajarekê Bajêrganî yê qezaya Geverî yê Colemêrgî de dormeyê dewanê Kelê, Nebar, Xurakana Jêr û Xurakana Jorî de dest pê operasyonî kerd. Wextê operasyonî de mabênê hêzanê ma û îşxalkeran de şerêko giran qewimîya. Hêzanê ma vera yewinanê operasyonî çalakîyê xurtî kerdî. Netîceya çalakîyan de yewê ci payeberz 7 îşxalkerî ameyî cezakerdene û xeylêk îşxalkerî zî birîndar bîyî.
Embazanê ma Welat û Nîdal wextê operasyonî de derbê giranî dayî îşxalkeran ro heta fîşekê xo yê peyênî şer kerd û şehîd bîyî. Ma do nasnameyê embazanê ma yê şehîdan dima pare bikerê.
Şemzînan
Çarçewa Hamleya Şorişgêre ya Şehîd Bager û Şehîde Ronya de 12ê êlule de warê Rûbarokî yê qezaya Şemzînanî yê Colemêrgî de vera artêşa tirke ya îşxalkere Tengava Benê de çalakîyêke kerde. 2 baskanê cîyayan ra kozikê dişmenî ameyî pirodayene. Çalakîye de kozilê dişmenî ameyî îmhakerdene, hûmara kişte û birîndaran nêameye tesbîtkerdene. Artêşa tirke ya îşxalkere çalakîye ra dima bi hawan û obusan herême ser o bombayî varnayî.
Qileban
9ê êlule de artêşa tirke ya îşxalkere warê kela Memî yê qezaya Qilebanî yê Şirnexî de waranê Deriyê Qaçê, Çemê Xeçkê, Gundê Sîran, Gundê Mehrê û Gundê Hozê de dest pê operasyonî kerd. Artêşa tirke ya îşxalkere heta 12ê êlule operasyon kerd û bênetîce herême ra şîye.
Hêrişê Hewayî
Artêşa tirke ya îşxalkere hêrişê hewayî yê vera Herêmanê Pawitişî yê Medya de zanayîşî dayî. Zanayîşî wina yê:
12ê êlule de artêşa tirke warê Benê yê herêma Avaşînî ser o bombayî varnayî. 14ê êlule de teyarayanê şerî warê Çemçoyî yê herêma Zapî ser o bombayî varnayî. Şewato ke bombardumanî ra dima dest pêkerd hema zî dewam keno.
Bombarduman de zerarêk nêresa hêzanê ma.''