Merkezê Çapemenîye û Îrtîbatî yê HPGyî derheqê çalakîyanê gerîlayan û hêrişê artêşa tirke de eşkerayîye daye û vat: Hêzanê ma çarçewe Hemleya ''Dem Demê Azadîye yo'' de  çalakîyî kerdî. Deteyanê nê çalkaîyan wina yê :

Çalakîya verêne de 6 îşxalkerî ameyî kiştene

4ê teşrîna peyêne de mintiqaya Derîyê Girana ya warê Govendê yê pabesteyê herêma Avaşînî de vera leşkeranê tirkî di perran ra çalakîye ameye  kerdene. Nêtîceya pirodayîşê gerîlayan de di mewzîyî ameyî îmhakerdene, xelek zî ameyî derbkerdene û temamî de 6 îşxalkerî ameyî cezakerdene û xeylêk zî birîndar bîyî.

Eynî roje artêşa tirka ke merde û birîndarê xo bi helîkopteran herême ra vetî,  herêma çalakîye û dewa Hermuşî bombarduman kerdî.

Çalakîya diyîne de 7 îşxalkerî ameyî kiştene

6ê teşrîna peyêne de hêzanê ma Govendê de çalakîya diyîne kerde. Leşkerê ke asayîşê rayîrê mabanê Qilê Xwedê û Girrika Gîrana de bî mesafeyo nêzdî ra ameyî pirodayene. Netîceya çalakîye de 7 îşxalkerî ameyî cezakerdene.

Gerîlayêke şehîde bîye

Badê çalakîyê ke mabênê hêzanê ma û îşxalkeran de pêkewtişî vejîyayî. Embaza Eylema ke na çalakîya serkewteye rê sekêşîye kerdêne pêkewtiş de birîndar bîye. Embaza Eylema ke hetê embazanê xo ra warê çalakîye ra ameye vetene rixmê heme mudaxaleyan nêameye xelisnayene û tewrê kerwanê şehîdan bîye.

Nameyê Qodî: Eyleme Dilxwaz Name û Peyname: Songule Mutlu Cayê Bîyayîşî: Mêrdîn Maye-Pî: Salîha - Sevkan Tarîx û Cayê Şehadetî: 6ê Teşrîna Peyêna 2020î / Govendê

Hemraya ma  Eyleme Dilxwaza ke Nisêbîna Mêrdînî de ameya dinya bi ruhê serewedartişî yê Nisêbînî  û kulturê cinîyan ê  xoverdayoxan ê herêma Torî bîye pîle. Hemraya Eylema ke semedê azadîya şar û welatê xo tewrê gerîlayanê PKKyî bîye şexê birayê xo Dilxwaz Kerboran o ke Xoverdayîşê Xoîdarekerişî yê Cizîre de 2015 de şehîd bi, raştîya şehîdan tim bi hîsîyatê xorîyî ciwîyayêne. Hemraya Eyleme xeta cinîya azade yê Rayber Apoyî de xo aver berd û bîye yewe fermandara serkewte ya YJA Starî ke eyaletanê cîya cîyayan ê Herêmanê Pawitişî yê Medya de fermandarîye kerde. Embaza Eylema ke kesayetîya xo ya qerardare hetê embazanê xo ra zaf ameyêne heskerdene tim bê tersî şiyîne dişmenî ser û bi hewayêke qehremankîyî şehîd bîye.

Sere de keyeyê embaza Eyleme yo erjîyaye, ma şarê welatperwerî yê Kurdîstanî rê serweşîye wazenê û soz danê ke ma do bi ruhê têkoşînê berzî yê embaza Eyleme têkoşînî pîlêr bikerê.

Hêrişê Hewayî

Artêşa tirk a îşxalkere hêrişê Herêmanê Pawitişî yê medya kerd. 4ê teşrîya peyêne de warê Sîda ya herêma Zapî û 6ê teşrîna peyêne de warê Sinînê yê herêma Xakurkê bi teyerayanê şerî ameyî bombardumankerdene. Nê hêrişan de vînîbyayeyê ma çîn ê.''