Merkezê Îrtîbatî û Çapemenîye yê HPGyî derheqê çalakîyanê gerîlayan ê ke semedê yadkerdişê Bêrîtane (Gulnaze Karataş) ameyî  kerdene û hêrişanê dewleta tirke de eşkerayîye daye û nê pare kerdî:

'224ê teşrîna verêne de  Warê Xoverdayîşî yê Şehîd Adili de îşxalkerî pê çekanê giranan ameyî pirodayene. Reyna helîkopteranê ke waşt herême de leşakeran ca bikerî ameyî pirodayene. Helîkopteran hema ke leşkerî nênayî ro herême ra kewtî dûrî. Çalakîya hêzanê ma yê Çeçoyî de zî îşxalkerêk ame cezakerdene.

Warê Xoverdayîşî yê Girê Cûdîyî de helîkopterê Skorskyo ke waşt dormeyê mewzîyanê şerî yê Şehîd Kendalî de leşkeran rono hetê hêzanê m ara ame pirodayene. Netîceya pirodayîşanê bitesîran de helîkopterî adir girewt û kila tira bîye berz. Gama ke helîkopter herême ra kewtêne dûrî gina war û îmha bi.

25ê teşrîna verêne de Warê Xoverdayîşî yê Girê Cûdîyî de  îşxalkerê ke ver bi mewzîyanê şerî aver şiyênî hetê hêzanê ma ra pê çalakîya suîkastî ameyî pirodayene. Îşxalkerî mecbûr mendê ke gamêke peyser agêrê. 24ê teşrîna verêne de Warê Xoverdayîşî yê Şehîde Sarya yê Xakurkê de îşxalkerî pê çekanê giranan ameyî pirodayene.

Artêşa tirke ya îşxalkere 24ê teşrîna verêne de mewzîyê şerî yê Girê Şehîd Pîrdoganî yê Warê Xoverdayîşî yê Girê Amedîyê, mewzîyê şerî yê Şehîd Felatî yê Warê Xoverdayîşî yê Sîda, mewzîyê şerî yê Şehîn Bahozî yê Warê Xoverdayîşî yê Çemçoyî pê bombayanê qedexeyan û çekanê kîmyewîyan dîyayî bombayan ver. Warê Xoverdayîşî yê Çemço, Girê Hakarî, Girê Cûdî, Girê Amedîyê, Girê FM û erazîyê Kanîsarke, Gundê Dêrik û Gundê Zîvkê yê Garê pê teyarayanê şerî, helîkopteranê hêrişî, tanq, obus û çekanê giranan dîyayî bombayan ver.''