Merkezê Îrtîbatî û Çapemenîye yê HPGyî nasnameyê şehîdêkî eşkera kerd ke pê çekanê kîyewîyan şehîd bîyo.

Eşkerayîya HPGyî de nê ameyî parekerdene:

''Artêşa tirke ya îşxalkere ya ke nêeşkena vera xoverdayîşê gerîlayan aver şiro pîya bi heme îmkananê xo yê teknîkî vera gerîlayan çeka kîmyewîye şuxulnena. 10ê teşrîna verên a 2021î de reyna sûcê şerî kerd û Warê Xoverdayîşî yê Werxelê pê çekanê kîmyewîyan da bombayan ver. Netîceya nê hêrişî de hemrayê ma Têkoşer terwrê kerwanê şehîdan bîyo.

Nasnameyê hemrayê ma yê şehîdî wina yo:

Nameyê Qodî: Têkoşer Zagros Name û Peyname: Erhan Şahin Cayê Bîyayîşî: Colemêrg Maye-Pî: Behîye - Halit Tarîx û Cayê Şehadetî: 10ê Teşrîna Verên a 2021î / Avaşîn

Hemrayê Têkoşero ke warê xoverdayîşî Colemêrg de ameyo dinya pê tradîsyonê welatperwerîye bîyo pîl û hema serranê xo yê wirdîyan de Têkoşê Azadîye yê Kurdîstanî nas kerdo. Keyeyêko kedkarî de şertanê zehmetan de xover dayo û bîyo wayîrê kesayîtîya xurte. Keyeyê Şahînî yo welaperwerî yo ke xeylêk mîlîtanî tira vejîyayî ra  ê zî mîrasê xo girewto.

Hemrayê ma Têkoşerî gama ke Îzmîr de unîversîte de wendêne raştîya sîstemî dahîna rind fehm kerdo û polîtîkayanê qirkerdişî yê vera şarê kurdî rê şahîdîye kerdo. Hemrayê ma Têkoşero ke xelisnayîşê şarê kurdî têkoşînê xeta Rayber Apoyî de vînayo tewrê xebatan bîyo û têkoşînê ciwananê kurdan rê serkêşîye kerda. Rixmo ke çend rey ameyo destbendkerdene û tepiştene îredeyê ci yo şorişgêr nêşikîyayo. Pê nê hersî têkoşînê xo pîlêr kerdo.

Birayê hemrayê ma Têkoşerî hermrayê ma Şehîd Erdal Şahîn zî wextê Xoverayîşê Xoîdarkerdişî de têkoşîn kerdo û Cizîre de hetê dewleta tirke ra pê vêşnayîşî ameyo şehîdkerdene. Hemrayê ma Têkoşerî seba ke çeka birayê xo û embazanê ci erdî nêverdo  2015 de tewrê sefanê gerîlayan bîyo. Bado ke Zagrosan de xeylêk wext gerîlatîye kerde û hetê leşkerî ra lez xo rensayo, hêrişanê îşxalî de çeka xo girwto û serfanê verênan de ca dayo xo. Hemrayê Têkoşêr Warê Xoverdayîşî yê  Werxelê de xeylêk çalakîyanê serkewteyan de ca girewto û 10ê teşrîna verêne de hêrişê pê çekanê kîmyewîyan de tewrê kerwanê şehîdan bîyo.

Ma sere de keyeyê hemrayê ma Têkoşerî yo ke tim her şertan de tiradîsyonê serhaildan û têkoşînî rê giredaye yo heme şarê Colemêrg û şarê welatperwerî yê Kurdîstanî rê serweşîye wazenê. Ma do têkoşînê şehîdan bi qerardarîye bidomnê û biresnê serkewtişî.''