Merkezê Çapemenî û Îrtbatî yê HPG’yî derheqê çalakîyanê gerîlayan û hêrişê artêşa Tirkî de eşkerayîyêk daye û nê pare kerdî:

‘’Çarçeweya Hemleya Şorişgêre ya Şehîd Bager û Şehîde Ronya de 27’ê Tebaxe de mabênê qezaya Çelê ya Colemêrgî û Qereqolê Êrişî de   vera wesayîtêkê zirxînî çalakîya sabotajî ameye viraştene. Çalakîya de wesayît temamî de ame îmhakerdene, la hûmara merde û birîndaran nêameye zelal kerdene. Dimayê çalakîye herême ameye bombardûmankerdene. 28’ê Tebaxe de hêzanê ma çerçeweya hemleye de Şemzînanê Colemergî de çalakîya sabotajî viraşte. Çalakîya ke Qilê Sivrî de ameye viraştene hûmara merde û birîndaran nêameye tesbîtkerdene.

27 û 28’ê Tebaxe de hêrema Heftanînî ya Wareyê Pawitişî yê Medaya de herêmê Partîzan û Geliyê Pisaxa, 28’ê menge de Qendîl de herêma derûdorê dewa Kozinê û Gare de zî herêma Gundê Guzê ameyî  bombardûmankerdene. Nê hêrişan de vînîbîyayeyê ma çîn ê la erazî de şewat vejîya.’’

HPG’yî vist vîrî ke dewleta Tirkî bi nameyanê cîya-cîyayan operasyonan dana despêkerdene û bi şerê psokolojîkî xo sey serkewtê û bihêz ramojnena  û vat gerîla do cewabo bitesîr bidê înan û derbeya tarîxî bido piro.