Merkezê Îrtîbatî û Çapemenîye yê HPGyî nasnameyê 6 şehîdanê Heftanînî eşkera kerdî. Eşkerayîye wina ya:

''7ê temmuza 2021î de nêzdîyê dewa Kêste de bombardumanê artêşa tirke ya îşxalkere de embazê ma Arjîne, Sozda, Berjîne, Aso, Kurtay û Kandîl şehîd bîyî. Nê 6 embazanê ma Xoverdayîşê Cengê Heftaninî de rayberîye kerde, vera xîretê îşxalî yê dişmenî de rolê pîlî ardî ca û derbî dayî dişmenî ro. Nê embazanê ma averberdişê xoverdayîşî yê vera kolonyalîstan ra ver sewbîna rayîr qebul nêkerd. Ma soz danê ke xoverdayîşo ke nê embazanê çêran verda ma berz bikerê.

Nasnameyê embazanê ma yê şehîdan wina yo:

Nameyê Qodî: Arjîne Cizirî Name û Peyname: Fatma Turk Cayê Bîyayîşî: Şirnex Maye-Pî: Sahiye – Hamit Tarîx û Cayê Şehadetî: 7ê Temmuza 2021î / Heftanîn

Nameyê Qodî: Sozda Vorîn Name û Peyname: Nure Kızıl Cayê Bîyayîşî: Mêrdîn Maye-Pî: Cemîle – Mehmet Salîh Tarîx û Cayê Şehadetî: 7ê Temmuza 2021î / Heftanîn

Nameyê Qodî: Berjîn Zenda Name û Peyname: Ayşe Demîr Cayê Bîyayîşî: Mêrdîn Maye-Pî: Zîyana – Mehmet Tarîx û Cayê Şehadetî: 7ê Temmuza 2021î / Heftanîn

Nameyê Qodî: Aso Zagros Name û Peyname: Melîk Altin Cayê Bîyayîşî: Îstanbul Maye-Pî: Îreme – Mehmet Raîf Tarîx û Cayê Şehadetî: 7ê Temmuza 2021î / Heftanîn

Nameyê Qodî: Kurtay Bestun Name û Peyname: Muhammed Suphanî Cayê Bîyayîşî: Kamyaran Maye-Pî: Vîda – Vahîd Tarîx û Cayê Şehadetî: 7ê Temmuza 2021î / Heftanîn

Nameyê Qodî: Kandîl Zap Name û Peyname: Şervan Îbrahîm Mehdî Cayê Bîyayîşî: Amûdê Maye-Pî: Selva – Îbrahîm Tarîx û Cayê Şehadetî: 7ê Temmuza 2021î / Heftanîn

Embaze Arjîne Cizîre de dadîya xo ra bîya. Embaze Arjîne 2015 de vera hêrişanê dişmenî tewra gerîlayan bîye. Aye tim giranîye daye perwerde û waşt ke şeranê giranan de ca bigêra. Embaze Arjîne netîcey ked û fedakarîya xo de rolê fermandarîya YJA-Starî girewte xo mil û warê Heftanînî de wezîfeyê pîlî ardî ca. Embaze Arjîne sey fermandarêka cinîye rayberîya şerê Heftanînî kerde. A pê kesayet û tewirê xo do tarîxê xoverdayîşî de sey fermandarêka mîsal do tim cayê xo bigêra.

Embaze Sozda Qoser de dadîya xo ra bîya. Aye 2015 de xoverdayîşê xoîdarekerdişî de ca girewt û 2017 de zî tewra gerîlayan bîye. Embaze Sozda wextêkê kilmî de bîye fermandare. A bi serran Heftanîn de mende û tim xîret kerd ke derbanê pîlan bida dişmenî ro. Aye xeylêk çalakîyanê YJA-Starî de ca girewt û rolê serfîrazîye ard ca. Embaze Sozda pê kesayetê xo yê dilnizmî û terzê xo yê şerî bîye mazhara heskerdişê embazanê xo . Embaze Sozda bi hîsgerîya embazîye bîye mîsalanê embazan ê cinîyan ra yewe.

Embaze Berjîne Mêrdîn de dadîya xo ra bîye la dima keyeyê ci tedaya dewlete ra koçê Ewropa kerd. La embaze Berjîne qetî Kurdîstanî ra nêqerifîyaye û pê gama radîkale Ewropa ra tewra gerîlayan bîye. Embaze Berjîne cde cuya gerîlatîye musaye û giranîye daye perwerdeyî ser. Embaze Berjîne tim xîret kerd ke sey gerîlayêka cinîye xo xeta azadîya cinîyan a Rayberîye de aver bera. Embaze Berjîne pê zerrîgerminîya xo û kurdayetîya xo, pê xîretê xo yê têkoşînî û qerardarîya xo tim do biba sebebê têkoşînê embazanê xo.

Embaz Aso sey domanêkê keyeyê wanij-şirnexijî Îstanbul de dadîya xo ra bîyo û 2014 de semedo ke bibo layîqê Rayberîye tewrê gerîlayan bi. Embaz Aso hema roja verêne ra bi wayîrê tewrbîyayîşêkê giringî. Embaz Asoyî tim waşt tewr vernî de têkoşîn bikero coka 2020 de şerê giranî de derbazê Metîna bi.Embaz Aso tîya de zî perwerîya xo ya bi embazan mojnaye û bi wayîrê tewirêkê fedayî. Embaz Asoyî embazanê xo rê îsbat kerd ke rayîrê serfîrazîye xoverdayîşo bêmabên û israrê tersê Apogîrî yo.

Embaz Kurtay şaristanê Kamyaranî yê Rojhelatê Kurdîstanî de dadîya xo ra bîyo. Embaz Kurtay cigêrayîşanê xo ra dima tewrê gerîlayan bi. Embaz Kurtayî tim xîret kerd ke cuyêka gerîla û komunale bîyaro ca. Ey tim xo perwerde kerd ke bibo gerîlayê modernîteya demokratîke. Embaz Kurtay dima pê waştiş û israranê xo ser derbazê Heftanînî bi. Heftanîn de ey vera dişmenî rayberîya têkoşînî kerde, mîsalê milîtanîya Apogîre mojnaye û şiknayîşê hêrişanê dişmenî de rolê pîlî girewtî xo milî.

Embaz Kandîl şaristanê Amûdê yê Rojawanî de dadîya xo ra bîyo. O têkoşînê vera DAÎŞî ra dima 2016 de tewrê gerîlayan bi. Embaz Kandîl pê tewirê xo cade mazharê heskerdişê embazanê xo bi û qetî nê tewirê xo ra tawîz nêda. Ey bi taybetî şerê Heftanînî de taktîkê gerîlatîya dewrê neweyî pratîk kerdî û şer de pê kesayetê xo yê çêrî moral û hêz da embazanê xo. Embaz Kandîl pê nê tewirê xo yê Apogîrî û kesayetê xo yê kamîlî tim mîyanê milîtananê bêmergan ê Heftanînî de ca bigêro.

Ma sere de keyeyanê ercîyayeyan ê embazanê xo rê, pêro şarê welatperwerî yê Kurdîstanî rê serweşîye wazenê. Ma soz danê ke armancê serfîrazîye yo ke embazanê ma dewrê ma kerdo qetî bîyarê ca.''