Merkezê Îrtîbatî û Çapemenîye yê HPGyî derheqê babete de eşkerayîyêke weşanaye.

Eşkerayîya HPGyî wina ya:

"19ê teşrîna peyêna 2019î de warê dewa Şivesorî yê qezaya Silopî yê Şirnexî de mabênê hêzanê ma û artêşa TCyî ya îşxalkere de şerêko giran qewimîya. Embazanê ma Adil, Andok û Şahîn heta fîşekê xo yê peyênî şer kerd û resayî asta şehadetî. Goreyê zanayîşanê nê şerî 3 leşkerê dişmenî ameyî kiştene û zaf leşkerî zî birîndar bîyî. Zanayîşê derheqê nasnameyanê embazanê ma yê ke şehîd bîyî de wina yê:

Nameyê Qodî: Adil Cûdî Name û Peyname: Hunsu Kaplan Cayê Bîyayîşî: Şirnex Maye-Pî: Kûmrî-Salih Tarîx û Cayê Şehadetî: 19ê Teşrîna Peyêna 2019î/ Cûdî

Nameyê Qodî: Andok Sara Name û Peyname: Mahmût Taş Cayê Bîyayîşî: Riha Maye-Pî: Fatma-Emîn Tarîx û Cayê Şehadetî: 19ê Teşrîna Peyêna 2019î / Cûdî

Nameyê Qodî: Şahîn Gabar Name û Peyname: Ferhat Sîdar Cayê Bîyayîşî: Şirnex Maye-Pî: Asîye-Suleyman Tarîx û Cayê Şehadetî: 19ê Teşrîna Peyêna 2019î / Cûdî

Vera hêrişanê artêşa TCyî ya îşxalkere embazê ma Adil, Andok û Şahîn tewrê têkoşînê azadîye bîyî. Embazanê ma îşkence û tedaya dişmenan qebul nêkerdî û erjê xo yê fîrazî her warê cuye de pawitî.

Sere de keyeyanê ercayeyan ê embazan ê Adil, Andok û Şahînî rê ma pêro şarê Kurdîstanî rê serweşîye wazenê û ma soz danê ke ma do keda embazanê xo bi serkewtişî tacîdar bikerê."