HPGyî 3 gerîlayê ke 6ê hezîrane de Xakurkê de hêrişê hewayî de şehîd bîyî yad kerdî û pare kerd ke her 3 gerîlayî zî xeta xo ya xoverdayîşî ya vera operasyonê îşxalkeran de bîyî sey nimûne.
Merkezê Îrîbatî û Çapemenîye yê HPGyî bi eşkerayîyêk derheqê şehadetê hîrê gerîlayan de zanayîş da.
Eşkerayîya HPGyî wina ya:
"6ê hezîrana 2019î de herêma Xakurkê ya Herêmanê Pawitişî yê Medya de hêrişê hewayî yê artêşa TCyî ya îşxalkere de embazê ma Axîne (Dîleke Tektaş), Ekîne (Yoncagule agaç) û Hêlîne (Leyla Çelîk) şehîd bîyî. Zanayîşê nasanmeyanê embazê ma yê şehîdan wina yê:
|
Embazê ma Axîne, Ekîne û Hêlîne şaristananê cîyayan ê Kurdîstanî de dadîya xo ra bîyî û bi welatperwerîye bîyî pîl. Her hîrê embazê ma zî yê ke dî ke kurdî seke çin ê yenê hesibnayene û her ca de vera kurdan qirkerdiş esto tewrê Têgêrayîşê Azadîya Kurdîstanî bîyî. Embazê ma wezîfeyanê xo de bi berpirsîyarîye têgêrayî û pêro wezîfeyê xo bi hawayêkê serkewteyî ardî ca. Embazê ma yê şehîdî wextê operasyonê îşxalkeran de bi xeta xo ya xoverdayîşî embazanê xo rê bîyî sey nimûne.
Sere de keyeyanê embazanê ma yê şehîdan rê ma pêro şarê Kurdîstanî yê welatperwerî rê serweşîye wazenê. Ma soz danê ke ma do têkoşînê înan, hewn û xeyalê înan ê cuya azade bi hawayêkê bêamanî biyarê ca."
