Merkezê Îrtîbatî û Çapemenîye yê HPGyî da zanayene ke operasyonanê şorişgêran û çalakîyan ê vera artêşa tirke de 31 îşxalkerî ameyê cezakerdene.

Eşkerayîye wina ya:

''Gerîlayanê Azadîye yê Kurdîstanî serrgêra 44. ya ronîyayîşê partîya ma PKKyî selam kerde, seba ke qesasê şehîdanê hêrişanê kîmyewîyan bigêrê operasyonê şorişgêrî û çalakîyî kerdî. Netîceya çalakî û operasyonanê hêzanê ma de 31 îşxalkerî ameyî cezakerdene. 11 mewzîyî, 2 kamerayê mobese û 1 projektor ameyî îmhakerdene.

Embazanê ma Eyleme, Adar, Heqî û Medya nê çalakîyan de bi qehremanî û terzê Apogîrî şer kerd, şîyî serê dişmenî, heta nefesê xo yê peyênî bi fedayîtî şer kerd û şehîd bîyî.

Artêşa tirke ya îşxalkere Warê Xoverdayîşî 1 reye pê bombaya qedexekerde, 4 reyî pê teyarayanê şerî, bi desan reyî zî pê obus, tank û çekanê giranan dayî bombayan ver.

Detayî wina yê:

Çarçewa Hemleya Şorişgêre ya Bazanê Zagrosî de herêma Zapî de;

25ê teşrîna peyêne de Warê Xoverdayîşî yê Saca de hêzanê ma pê taktîkê dafike da dişmenî ro û na çalakîye de 1 îşxalker ame cezakerdene.

25ê teşrîna peyêne de Warê Xoverdayîşî yê Şehîd Adilî yê Çemçoyî de hêzanê ma da îşxalkeran ro û 1 îşxalker ceza kerd.

25ê teşrîna peyêne de Warê Xoverdayîşî yê Şehîd Adilî yê Çemçoyî de îşxalkerî di reyî ameyî pirodayene û 3 îşxalkerî ameyî cezakerdene.

26ê teşrîna peyêne de Warê Xoverdayîşî yê Sîda de îşxalkerî ameyî pirodayene û 1 îşxalker ame cezakerdene.

Çarçewa Hemleya Şorişgêre ya Şehîd Savaş Maraşî ya Cengê abûrî de;

17ê teşrîna peyêne de Warê Xoverdayîşî yê Girê Amedîyê de mewzîyanê Şehîd Gelhatî de îşxalkerî ameyî pirodayene. Nê çalakîyan de 4 îşxalkerî ameyî cezakerdene, 1 sîstemê mobese û 1 projektor ameyî îmhakerdene.

25ê teşrîna peyêne de Warê Xoverdayîşî yê Girê Cûdîyî de hêzanê ma operasyonêko şorişgêr kerd. Hêzanê ma 7 baskan ra da dişmenî ro. Baska yewine û diyîne 4 mewzîyî bi temamî îmha kerdî. Baska hîrêyîne pê bombayanê destî û çekanê ferdîyan 2 mewzîyî îmha kerdî. Baska çarine 1 sîstemê mobese îmha kerd. Baska pancine û şeşine 2 mewzîyî îmha kerdî. Baska hewtine 1 mewzî îmha kerd. Nê operasyonî de goreyê tesbîtanê ma 11 îşxalkerî ameyî cezakerdene. Reyna hêzanê ma îşxalkerê ke waştêne mudaxele bikerê da înan ro û 6 îşxalkerê bînî ceza kerdî.

Hêzê ma bi ruhê Apogîrî û çêrîyêka pîle şîyî serê dişmenî, înan 17 îşxalkerî ceza kerdî, 10 mewzîyî îmha kerdî. Nê operasyonî de embazanê ma Adar, Heqî û Medya heta bi fedayîtî şer kerd û şehîd bîyî. Ma do dima nasnameyanê embazanê xo bi hawayêkê hîrayî rayaumûmîye de pare bikerê.

25ê teşrîna peyêne de Warê Xoverdayîşî yê Girê FMyî de vera îşxalkeran çalakîyêke kerde. Mabênê embazanê ma û îşxalkeran de pêkewtişî qewimîyayî. Tîya de 2 îşxalkerî ameyî cezakerdene. Embaze Eyleme na çalakîye de heta peynî bi fedayîtî şer kerd û şehîd bîye. Ma do dima nasnameyê aye bi hawayêkê hîrayî rayaumûmîye de pare bikerê.

26ê teşrîna peyêne de Warê Xoverdayîşî yê Girê Hekarî de operasyonêko şorişgêr ame kerdene. Nê operasyonî de xeylêk îşxalkerî ameyî cezakerdene, dest nîya malzeme û çekanê îşxalkeran ser. Na çalakîye seba selamkerdişê serrgêra ronîyayîşê partîya ma PKK û seba qesasê şehîdanê hêrişanê kîmyewîyan şexsê Endamê Fermandarîya Eyaletê Metîna Nûrî Yektayî de ameye kerdene. Detayê na çalakîye dima do bêrê parekerdene.

Çarçewa Hemleya Şorişgêre ya Bazanê Zagrosî de herêma Xakurkê de;

25ê teşrîna peyêne de Warê Xoverdayîşî yê Girê Şehîd Derwêşî de îşxalkerî ameyî derbkerdnee.

26ê teşrîna peyêne de Warê Xoverdayîşî yê Girê Şehîd Şahanî de îşxalkerî ameyî derbkerdene.

26ê teşrîna peyêne de Warê Xoverdayîşî yê Girê Şehîd Axînî de 2 îşxalkerî ameyî cezakerdene û 1 mewzî ame îmhakerdene.

Hêrişê ke artêşa îşxalkere pê çekanê kîmyewîyan û bombayanê qedexekerdeyan kerdê;

24ê teşrîna peyêne de Warê Xoverdayîşî yê Şehîd Serxwebûnî de mewzîyê şerî 1 reye pê bombaya qedexekerde dîyayî bombayan ver.

Hêrişê bînî yê artêşa îşxalkere;

25 û 26ê teşrîna peyêne de Warê Xoverdayîşî yê Girê Amediyê, Çemço, Saca, Sîda û Girê Cûdîyî dîyayî bombayan ver.''