Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişanê artêşa tirke eşkerayîye daye û nê pare kerdî:

''Hêzanê ma yê eyaletê Serhadî prosesê zimistanî de vera îşxalkeran çalakîyê bitesîrî kerdî. Medyaya şerê taybetî yê dewleta tirke çalakîyê Gerîlayanê Azadîye yê Kurdîstanî nêvînayîşî ra ameyî û rayapêroyîye ra nimitî.

 Rîyê şertanê zimistanî ra hêzanê ma zanayîşê derheqê çalakîyan newe resayê destê ma. Detayê çalakîyanê eyaletê Serhadî wina yê:

19ê teşrîna peyên a 2021î de warê Demirkapiyî yê bajarekê Gilîdaxî da hêzanê ma da  yewîya nimitîye ya îşxalkeran ro, 3 îşxalkerî ameyî cezakerdene û 2 îşxalkerî birîndar bîyî. 13ê sibat a 2022yî de warê Demirkapiyî yê bajarekê Gilîdaxî de têgêrayîşê keşîfî dest pêkerd û 20ê sibate de waro ke hêzanê ma verî sey nuqta şuxulnayene pê teyarayanê şerî 5 rey ame pirodayene. Eynî roje bi paştdayîşê helîkopteran bi skorskyan 25 rey îşxalkerî war de ameyî cakerdene, wesayîtê zirxinî ameyî herême û hîrê hetan herême girewte binê ablûqa. 25ê sibate de îşxalkeran bi kepçe, dozer û makînayenê şiknayîşî yê karî  rayîr viraşt û resayê nuqtayêka hêzanê ma verî şuxulnayene. Hêzanê ma yê YJA Starî bi tatkîkê sabotajî tîya da îşxalkeran ro, 10î ra zafêr îşxalkerî ameyî cezakerdene. Operasyonê dewleta tirke yo ke bi rojan dewam kerd de hemrayê ma şehîd nêbîyî.

Wezîrîya Karanê Zereyî yê tirkî xeberanê zûran dana medyaya şerê taybetî. Xeberan de amebi vatene ke 9ê gulane de Gilîdax 11 hemrayê ma şehîd bîyî la bingeyê nê xeberan çîn o. Hêzanê ma yê Serhadî da zanayene ke operasyon de qet embazêkê/a ma zî şehîd nêbîyo/a. Dewleta tirke ya ke operasyon hêzanê ma ra derbeya girde werde bi xeberan zûran waşt xo serkewte ramojno. Operasyono ke bi mengan bi teyarayanê şerî, wesayîtanê zirxinan, makîyanê karî, teyarayanê keşîfî û heme îmkananê teknîkî yê bînan ame domnayene hetê hêzanê ma ra betal ame vetene. Ma reyna vînenê  îşxalkerî senî Gerîlayanê Azadîye yê Kurdîstanî tersenê.''