Merkezê Îrtîbatî û Çapemenîye yê HPGyî da zanayene ke Waranê Xoverdayîşî yê Zap û Avaşînî de rixmê heme îmkananê teknîkî yê artêşa tirke, çalakîyanê gerîlayan de 10 îşxalkerî ameyî kiştene û detayê çalakîyan pare kerdî:

Avaşîn

18ê gulane de Warê Xoverdayîşî yê Werxelê de îşxalkeranê ke waşt çekanê kîmyewîyan buşuxulnê, bado ke hetê hêzanê ma  ra ameyî pirodayene peyser agêrayî. Saetanê vera şanî de war bi çekanê kîmyewîyan 11 rey dîya bombayan ver.

Zap

18ê gulane de dormeyê mewzîyanê şerî yê Girê Cehenemî yê Warê Xoverdayîşî yê Çîyareşî de îşxalkerê ke hetê hêzanê ma ra ameyî pirodayene ameyî derbkerdene. Roja bîne îşxalkerî reyna bi bombayanê destî û çekanê ferdîyan ameyî pirodayene. Tîya 2 îşxalkerî birîndar bîyî. 18ê gulane de çalakîya Warê Xoverdayîşî yê Şikefta Birîndara de 2 îşxalkerî ameyî cezakerdene. 19ê gulane de tîya îşxalkerî reyna ameyî pirodayene, 2 îşxalkerî ameyî cezakerdene. 

Ma eşkerayîya xo ya 1ê gulane de vatbi Şikefta Birîndara de cenazayê îşxalkeran binê kontrolê embazanê ma de yê. Saetanê şenî yê 19ê gulane de îşxalkeranê ke waşt cenazayanê xo bîgêrê, hetê hêzanê ma ra ameyî pirodayene, 3 îşxalkerî ameyî cezakerdene.  Tay cenazayê înan zî binê kontrolê hêzanê ma de yê. Eynî roje îşxalkerî reyna ameyî pirodayene, 3 îşxalkerî ameyî cezakerdene. Îşxalkeran mewzîyê şerî yê warî pê çekanê kîmyewîyan dayî bombayan ver.

19ê gulane de îşxalkeranê ke waşt ver bi mewzîyanê şerî yê Şehîd Tolhildanî yê Warê Xoverdayîşî yê Kurojahroyî şirê hetê hêzanê ma ra têdima ameyî pirodayene û ge-ge tîya pêkewtişî qewimîyayî. Netîceya pirodayîşanê bitesîran de îşxlakerî mecbûr mendê ke gamêke peyser agêrê. Eynî roje îşxalkeran warê Şehîd Harûn û Şehîd Dîdarî yê Kurojaroyî û mewzîyê şerî yê Şikefta Birîndara, Şehîd Berxewdan, Şehîd Hewrê  bi çekanê kîmyewîyan dayî bombayan ver.

Bombarduman

Hetê bînî ra 19ê gulane de zî vera Herêmanê Pawitişî yê Medya hêrişan dewam kerd.Girê Amediye, Girê Cûdî, Girê FM, Şehîd Harûn. Çemço, Gundê Rençbir Axa ve Şehîd Dîdarî yê herêma Zapî, Girê Hakarî yê herêma Metîna û Girê Şekîfî yê herêma Xakurkê bi desan rey bi teyarayanê şerî, helîkopteranê hêrişî û obusan dîyayî bombayan ver.''