Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê vatî:

“Herêma Zapî;

9ê sibate de Warê Xoverdayîşî yê Sîda de vera kepçeyanê ke kerdêne mewzîyanê şerî birijno bi bombayanê destan û çekanê ferdîyan çalakîye ameye kerdene. Çalakîye de kepçeyêk ame derbkerdene û mecbûr mend ke peyser agêro. 7ê sibate de Warê Xoverdayîşî yê Cûdî îşxalkerî bi çekanê otomatîkan ameyî pirodayene.

Bombardumanî;

5, 6, 7, 8 û 9ê sibate de warê Dêreşê, Deşta Kafya, Sêdarê, Girê Zengil, Girê Sîserî yê herêma Garê, Warê Xoverdayîşî yî yê Girê Bahar û Şehîd Îbrahîmî yê herêma Zapî, warê Sinînê, Ava Lolanê yê herêma Xakurkê yê warê Serê Metîna, Bêşîlî Metîna, warê Girê Savaşî yê herêma Qendîlî 38 rey pê teyarayanê şerî dîyayî bombayan ver. 7 û 8ê sibate de warê Geliyê Lolanê yê herêma Xakurkê pê helîkopteranê şerî dîya bombayan ver.''