Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişanê îşxalî de bi eşkerayîyêke agahîyî dayî.

Eşkerayîye wina ya:

'' Netîceyanê çalakîyanê hêzanê ma de 2 îşxalkerî ameyî cezakerdene û 1 îşxalker birîndar bi. Artêşa tirke ya îşxalkere Warê Xoverdayîşî reyêk pê bombaya qedexekerde, reyêk pê çekanê kîmyewîyan, 9 reyî pê teyarayanê şerî, 18 reyî pê helîkopteranê hêrişî û bi desan reyî zî pê obus, tank, hawan û çekanê giranan dayî bombayan ver.

Çarçewa Hemleya Şorişgêre ya Bazanê Zagrosî de herêma Zapî de;

4ê teşrîna peyêne de Warê Xoverdayîşî yê Şehîd Adilî de îşxalkerî ameyî derbkerdene.

Çarçewa Hemleya Şorişgêre ya Bazanê Zagrosî de herêma Avaşînî de;

2yê teşrîna peyêne de Warê Xoverdayîşî yê Werxelê de tîmanê ma dafika îşxalkeran ferq kerde û da îşxalkeran ro. Netîceya na çalakîye de 2 îşxalkerî ameyî cezakerdene û 1 îşxalker zî birîndar bi.

Çarçewa Hemleya Şorişgêre ya Şehîd Savaş Maraşî ya Cengê Xabûrî de;

4ê teşrîna peyêne de îşxalkerê ke waştêne Warê Xoverdayîşî yê Girê Cûdîyî bidê bombayan ver ameyî hedefkerdene. Netîceya mudaxeleyê hêzanê ma de helîkopterî neçare mendî ke herême ra dûrî bikewê.

Hêrişê ke artêşa îşxalkere pê bombaya qedexekerde û çekanê kîmyewîyan kerde:

4ê teşrîna peyêne de mewzîyê Şehîd Felatî yê Warê Xoverdayîşî yê Sîda dîyayî bombayan ver.

Hêrişê bînî yê artêşa îşxalkere wina yê:

4ê teşrîna peyêne de warê Dola Meranê yê Garê, warê Golka û Girê Çarçelî yê Metîna û Girê Biharî, Warê Xoverdayîşî yê Çemço, Sîda, Werxelê, Girê Amedîyê, Girê Cûdî û Girê FMyî, 5ê teşrîna peyêne de Warê Xoverdayîşî yê Girê Amedîyê û Girê Cûdîyî dîyayî bombayan ver.''