Merkezê Îrtîbatî û Çapemenîye yê HPGyî bi eşkerayîyêke da zanayene ke çalakîyanê Xakurkê de 28 îşxalkerî ameyî cezakerdene, 4 gerîlayî zî şehîd bîyî.

Eşkerayîye wina ya:

''Hêzanê ma herêma Xakurkê de vera îşxalkeran bi ruhê Hemleya Şorişgêre ya Bazanê Zagrosî tay çalakîyê bitesîrî kerdî. Nê çalakîyan de bi temamî 28 îşxalkerî ameyî cezakerdene û embazê ma Rustem, Lezgîn, Agît û Dijwar şehîd bîyî. Detayê çalakîyan wina yê:

14ê gulane de de mabênê dewa Dayla û warê Lêlikanî yê Xakurkê de îşxalkerî pê taktîkê sabotajî ameyî pirodayene. Na çalakîye de wesayîtê bi tîpê Reoyî yê îşxalkeran ame îhakerdene, wesayît de 14 îşxalkerî ameyî cezakerdene.

Şewa 15-16ê gulane de warê Girê Lêlikanî yê Xakurkê de vera girêkê îşxalkeran çalakîyêka bikoordîne ameye kerdene. Hêzanê ma bi taktîkê suîkastî di baskan ra da îşxalkeran ro. Hêzanê ma bê şehadetî gir feth kerd û tîya de şîyê cenazayanê 12 îşxalkeran ser. Prosesê xoapeyantişî de dormeyê dewa Herkarê de mabênê hêzanê ma û îşxalkeran de pêkewtişî qewimîyayî û heta serê sibayî pêkewtişan dewam kerd. Nê pêkewtişan de zî goreyê tesbîtanê ma 2 îşxalkerî ameyî cezakerdene. Nê çalakîyan de bi temamî 14 îşxalkerî ameyî cezakerdene û embazanê ma Lezgîn, Rustem, Ahît û Dijwar bi çêrî şer kerd û şehîd bîyî.

Nasnameyê embazanê ma yê şehîdan wina yê:

Embaz Rustem şaristanê Kamyaranî yê Rojhelatê Kurdîstanî de dadîya xo ra bîyo. Embaz Rustem 2013 de tewrê gerîlayan bi. Embaz Rustemî xeylêk waran de têkoşîn kerd û pêro wezîfeyê xo bi serkewtişî ardî ca. Embaz Rustem dima sey fermandarêkî derbazê Xakurkê bi û wezîfeyê serkêşîye kerd. Embaz Rustem Xakurkê de 16ê gulane de bi çêrîya pîle fermandarîya gerîlayan kerde û şehîd bi.

Embaz Lezgîn Hezex de dadîya xo ra bîyo. Embaz Lezgîno ke di apê ci şehîdê têkoşînî yê 2013 de verê xo da koyanê azadan. Embaz Lezgîn Garê, Qendîl û Xakûrkê de têkoşîn kerd û aver şi. Embaz Lezgîn dima sey fermandarêkî derbazê Xakurkê bi û Xakûrkê de bi fermandaranê serkêşan ra yew. Embaz Lezgîn şewa 16ê gulane pê çêrî û tewirê xo yê bazî heqê dişmenî ra ame û pêkewtişan de sey çêran şehîd bi.

Embaz Agît şaristanê Ûrmîye yê Rojhelatê Kurdîstanî de dadîya xo ra bîyo. Embaz Agît şehadetê kekê xo ra dima 2014 de Serhed de tewrê gerîlayan bi. Embaz Agîtî Herêmanê Pawitişî yê Medya de perwerde girewt û dima zî Xakurkê de dest pê pratîkî kerd. Embaz Agîtî waranê cîyayan de têkoşîn kerd û erkê girîngî ardî ca. Embaz Agîto ke bi kelecanî derbazê Xakurkê bi pê çêrîya xo şinasîyayêne.

Embaz Dijwar Wan de dadîya xo ra bîyo. Embaz Dijwaro ke mîyanê xebatanê ciwanan de zaf reyî amebi destbendkerdene 2015 de verê xo da koyanê azadan. Embaz Dijwarî Xakurkê de dest pê pratîkê gerîlatîye kerd, tewrê xeylêk çalakîyan bi û warê gerîlatîye de xo aver berd. Embaz Dijwar pê çêrî û marîfetê xo tim embazanê xo rê bi mîsal. Şewa 16ê gulane de embaz Dijwarî derbê giranî dayî dişmenî ro û bi çêrî şehîd bi.

Ma keyeyanê ercîyayeyan ê embazanê xo yê ke Xakurkê de bi tewir, çêrî û fedakarî destanî nuştî û pêro şarê welatperwerî yê Kurdîstanî rê serweşîye wazenê.''