Merkezê Çapemenî û Îrtîbatî yê HPG’yî  derheqê çalakîyanê gerîlayan û hêrişê dewleta Tirkî de eşkerayîyêk daye û nê pare kerdî:

Xakurkê

‘’11’ê Hezîrane de Hêzanê ma  çarçeweya Hemleya Şorişgêre ya Şehîd Bager  û Şehîde Ronya de  Qilê Şehîd Derwêşî yê Xakurkê de çalakîyêk viraşte. Çalakîya ke dişmen bitêsîr ame pirodayene de mewzîyêk ame îmhakerdene û 3 leşkerî ameyî kiştene.

Çarçeweya hemleye de heman roje hêzanê ma Çelê ya Colemêrgî de  vera Qereqolê Tepê Ortê  çalakîyêk viraşte. Çalakîya ke mewzî û stargehî bitesîr ameyî pirodayene hûmara merde û birîndaranê dişmenî zelal nêbîye. Dimayê çalakîye îşxalkaran herêma Dola Qomînîsta bombardûman kerde. Bombardûman de vîndîbîyayeyê ma çîn ê.

Dêrsim

9’ê Gulane de artêşa Tirkî ya îşxalkare herêmanê Şehîd Gafer, Şehîd Welat û Koyê Sûsûzî yê ke giredayeyê merkezê Dêrsimî yê de operasyon da destpêkerdene. Operasyon de Şêxo Amed ( Şeyhmûs Ozdemîr)  o ke esîr kewt destê dişmenî kontra bîyo. Çerweyê zanayîşê ke nê şexsî  de artêşa Tirkî  operasyon herêmanê Mêrga Çepera û Mêrganê  ra hîra kerd.  Operasyonêko nizdê mengêk dewam kerd 8’ê Hezîrane de mabênê hêzanê ma û artêşa Tirkî de pêkewtişî vejîyayî. Herêma embazanê ma ameye bombardûmankerdene. Rixmê bombardûmanan embazanê ma bi xoverdayîşî cewabê înan da. Pêkewtişan de embazê ma  Dîcle, Berfîne, Nûda, Havîne û Kîneme yê ke heta guleyê xo yê peyênê derbeyê girdi dayê dişmenî ro  şehîd bîyî. Nasnameyê embazanê ma do pêra bêrê eşkerakerdene. 9’ê Hezîrane de artêşa Tirkî herêmanê Tavneş û Hingirva yê merkezê Dêrsimî de dest bi operasyonêk kerd  û heman roje peyser ancîyaye.

Xinêre

Teyareyanê şerî yê Artêşa Tirkî  12’ê Hezîrane de herema Xinêre ya Xakurkê bombardûman kerde. Netîceyê hêrişan de vindîbîyayeyê ma çîn ê.’’