HPG: Xakurkê de 9 îşxalkarî ameyî kiştene
Gerîlayanê HPG û YJA Starî Xakurkê de da leşkeranê Tirkî ro tewr tay 9 îşxalkarî ameyî kiştene.
Gerîlayanê HPG û YJA Starî Xakurkê de da leşkeranê Tirkî ro tewr tay 9 îşxalkarî ameyî kiştene.
Merkezê Îrtîbat û Çapemenîye yê HPG’yî bi eşkerayîyêk derheqê çalakîyanê gerîlayan û hêrişanê artêşa Tirkî de zanayîş da.
Eşkerayîya HPG’yî wina ya:
''Çarçeweya Hemleya Şorişgêre ya Şehîd Bager û Şehîde Ronya de vera hêrişê dewleta Tirkî ya vera Rojawanî 14’ê Teşrîna Verêne de Xakurkê çalakîyî ameyî viraştene. Detayê çalakîyan wina yê: Qilê Şehîd Botanî de vera îşxalkaran çalakîya sûîqastî ameye viraştene, leşkerêk ame kiştene. Qilê Şehîd Şahan de zî îşxalkarî ameyî pirodayene. Çalakîya bitesîre de xeylî çekî û mewzîyê dişmenî ameyî çînkerdene û 8 leşkerî ameyî kiştene.
Mintiqaya Şifreza ya qezaya Çelê ya Colemêrgî de 7’ê Teşrîna Verêne de mabênê hêzanê ma û îşxalkaran de pêkewtişî ameyî meydan. Nê pêkewtişan de 3 embazê ma bi şerkerdişekê qehremankî şehîd biyî. Hayîdarîyê nasnameyê nê embazanê do pey ra rayrapêroyîye dir bêrê parekerdene.
14- 15’ê Teşrîna Verêne de herêma Gare de Gundê Şêxî û herêma Zapî de mintiqayê Şehîd Rustem û Ciloyo Qijî, Karker û Şikefta Birindara, û Avaşîn de mintiqayê Werxelê û Basya ameyî bombavarankerdene. Hêrişan de vînîbîyayeyê ma çîn ê.