Merkezê Çapamenî û Îrtîbatî yê HPG’yî derheqê çalakîyanê gerîlayan û hêrişê artêşa Tirkî de eşkerayîyêk daye û nê pare kerdî:

‘’16’ê Hezîrane de hêzanê ma Xakurkê de çarçeweya Hemleya Şorişgêre ya Şehîd Bager û Şehîde Ronya de vera îşxalkaranê artêşa Tirkî çalakîyêk viraşte. Çalakîya sabotajî ya ke Qilê Şehîd Botanî de ameye viraştene de eskerêk ame kiştene. 15’ê Hezîrane de hêzanê ma qezaya Çelê ya Colemêrgî de da îşxalkaran ro. Çalakîya ke vera Qereqolê Deştanê ameye viraştene de 2 mewzîyî ameyî îmhakerdene û eskerêk ame kiştene.

Şirnex de Pêkewtiş

12’ê Hezîrane de herêma Şêxlerî ya qezaya Elkê ya Şirnexî de  mabênê hêzanê ma û artêşa Tirkî pêkewtiş vejîya. Derheqê pêkewtişî de do zanayîşo hîra rayapêroyî dir bêro parekerdene.

Mêrdîn de Operasyon û Pêkewtiş

Heman roje de dola dewa Kûrîke ya qezaya Mehsertî ya Mêrdîn de  mabênê yewîyêka ma û eskeranê dişmenî de pêkewtiş vejîya. Dimayê pêkewtişî  artêşa Tirkî herême bi teyareyanê şerî bombardûman kerde. Netîceya nê hêrişan de vîndîbîyayeyê ma çîn ê la erazî de şewat vejîya.  Şaro ke waştêne şewatê erazî hewna bikero hetê îşxalkaran ra vernîya ci ame girewtene. Derheqê operasyono ke yeno domnayene de zanayîşo ke bikewe dest do rayapêroyî dir bêro parekerdene.’’