Merkezê Çapemenî û Îrtîbatî yê HPG’yî bi eşkerayîyêk derheqê çalakîyanê gerîlayan de zanayîş da

Eşkerayîye de nê ameyî parekerdene: ‘’ 21’ê Tebaxe de hêzanê ma çarçeweya Hemleya Şorişgêre ya Şehîd Bager û Şehîde Ronya de Xakurkê de da îşxalkaran ro. Çalakîya ke vera leşkaranê ke  Qilê Şekîf de ameyî cakerdene ameye viraştene 3 leşkerî ameyî kiştene.

19’ê Tebaxe de çarçeweya Hemleya Qesasî ya Şehîd Medya Mawa û Şehîd Rizgar Geverî de mabênê Şirnêx û Cizîre îşxalkarî ameyî pirodayene.  Çalakîya ke nêzdîyê dewa Masîya de vera konveyêk ameye viraştene wesayîtêko zirxin ame derbkerdene la peynîya çalakîye safî nêbîye.

21’ê Tebaxe de qezaya Qilabanî ya Şirnexî de mabênê dewanê Akîr û Osyan de hêzanê vera îşxalkaran çalakîyê viraşte. Çalakîya ke  di wesayîtê zirxînî hedef ameyî girewtene, wesayîto tîpê Kirpî ame îmhakerdene, 5 leşkerî ameyî kiştene û xeylî zî birîndar bîyî. Yewîyanê ma yê ke çalakîyî viraştî weşûwar resayê cayê xo.’’