HPG: Xeylî îşxalkarî ameyî kiştene

HPG’yî da zanayene ke çalakîyanê gerîlayan ê vera artêşa Tirkî de xeylî îşxalkarî ameyî kiştene û va: Gerîlayê azadîye yê Kurdistanî vera zuranê dewleta Tirkî yê 'ma gerîla qedînayo' bi çalakîyan xoverdayîşê xo yê qehremanîye ramojnenê dost û dişmenî.

Merkezê Çapemenî  û Îrtîbatî yê HPG’yî da zanayene ke çalakîyanê gerîlayan de xeylî îşxalkarî ameyî kiştene û nê pare kerdî:

''Artêşa Tirkî ya îşxalkare 23 ‘ê Tebaxe de mitiqaya Xantûrî ya Heftanînî bombardûman kerde.  Artêşa Tirkî bi b medyaya xo da zanayene ke înan Heftanîn de dest bi operasyonî kerd. Operasyonê înan dormeyê qereqolanê  Kirya Reş, Şivan û Serbendî de yo. Bombarûman de vînîbîyayeyê ma çîn ê. Derheqê operasyonî de zanayîşê ke  bikewê destê ma, ma do rayapêroyîye dir pare bikerê.

18’ê Tebaxe de artêşa Tirkî ya îşxalkare  mintiqayanê Girê Çolya, Hesena,  Qilê Yadê û Milê Suwara yê qezaya Silopî ya Şirnêxî de dest bi operasyonêk kerd. Hêzanê ma roja bîne Girê Çolya de vera di yewîyanê dişmenî çalakîyê cîya cîya yê sabotajî viraşte, xeylî îşxalkarî ameyî kiştene.

21’ê Tebaxe de leşkerê ke Girê Çolya de yê bi operasyonêkê şorişgêrî ameyî pirodayene. Hêzê ma di qolan ra kewtî mewzîyanê dişmenî û şîyî çar meyîtanê leşkeran ser û sîlehê dişmenî fîna dest. Reyna mewzîya bine zî pîya bi hîrê leşkeranê ke tede bî ameye îmhakerdene. Nêtîceya pirodayîşanê bitesîran de mewzîyan de şewat  û cepilxane de teqayîş vejîya. Dimayê çalakîye herême ameye bombardûmankerdene. Nê bombardûman de di embazê ma şehîd bîyî. Operasyono ke heta 23’ê Tebaxe dewam kerd daristan de şewat vejîya. Hayîdarîyê nasnameyanê embazanê ma yê ke şehdî bîyî do rayapêroyîye dir bêrê parekerdene.

17’ê Tebaxe de artêşa Tirkî ya îşxalkare mintiqaya Kato Marînosî ya qezaya Elkê ya Şirnexî de desti operasyonêk kerd. 18-19’ê menge de herêmanê Kato Kaval, Suwarê Xelê, Geliyê Marinos, Çele Cengê, Şehîd Demhatî, Bosingê, Meydanê Belekê,  Qilê Koordîne, Mezra Marinos, Dola Şehîd Kemalî, Qilê Şehîd Kemalî ra heta qirrika Elkê  operasyon ame hîrakerdene.

21’ê Tebaxe de konvoyê hêzê dişmenî yo ke mabênê Elkê û Qereqolê Kejan de şîyêne ame pirodayene. Çalakîye de hûmara merde û birîndaranê dişmenî nêameyî tesbîtkerdene.  Operasyon bi paştdayîşê yewîyanê mîyanîyan dewam keno.

Gerîlayê azadîye yê Kurdistanî vera zuranê dewleta Tirkî yê 'ma gerîla qedînayo' bi çalakîyan xoverdayîşê xo yê qehremanîye ramojnenê dost û dişmenî.

21’ê Tebaxe (ewro) teyareyanê şerî yê artêşa Tirkî mintiqaya dewa Gise ya Gare bombardûman kerde. Bombardûman de vînîbîyayeyê ma çîn ê.''