HPG’yî Çelê de da îşxalkaran ro

HPG’yî derheqê çalakîyanê gêrîlayan û hêrişê artêşa Tirkî de zanayîş da.

Merkezê Çapemenî û Îrtîbatî yê HPG’yî derheqê çalakîyanê gerîlayan û hêrişê artêşa Tirkî de eşkerayîyêk daye.

Eşkerayîye de ca dîya nînan: ’’Çarçeweya Hemleya Şorişgêre ya Şehîd Bager û Şehîde Ronya ya ke Wareyê Pawitişî yê Medya de yana domanyene de hêzanê ma 18’ê Gulane de  Çelê ya Colemêrgî de vera artêşa Tirkî çalakîyêk viraşte. Çalakîya ke  stargeh û mewzîyê Qereqolê  Şikêrî bitesîr ameyî pirodayene derheqê merde û birîndaranê dişmenî de zanayîş dest nêkewt.

14’ê Gulane de artêşa Tirkî herêmanê Şehîd Axîne, Şehîd Amed û Şehîd Baranî yê başûrê  Mûşî ya pabesteya eyaletê Amedî de dest bi operasyonêk kerd û 18’ê menge de peyser ancîyayî. Îşxalkaranê Tirkî tarîxanê 8,15 û 30’ê Nîsane de reyna herêma Şehîd Baranî yê Mûşî de hîrê operasyonî viraştî û destveng peyser ancîyayî.

Teyareyanê şerî yê artêşa Tirkî 16’ê Gulane de herêma Kuro Jaro ya pabesteya Zapî, 17’ê menge de dormeyê Dewa Gisê ya pabesteya Gare û 18’ê Gulane de zî herêma Gundê Fîlleha ya pabesteya Zapî bûmbardûman kerdî. Netîceyê hêrişan de vîndîbîyayeyê ma çîn ê. Dewa Gisê de  xesaro maddî ame meydan.