Merkezê Îrtîbat û Çaprmenîye yê HPG’yî bi eşkerayîyêka nuştekîye da zanayene ke Wareyanê Pawitişî yê Medya ra Heftanîn û Xalukûrkê de 23 leşkerî ameyî kiştene û nê detayî pare kerdî:

15’ê Teşrîna Verêne de hêzanê ma Heftanîn de çarçeweya Hemleya Cengê Heftanînî de Qilê Şehîd Şêxmûsî de da îşxalkaran ro. Mewzîyê dişmenî 5 hetan ra ameyî prodayene. Hêzanê ma ke dişmenî ser o adir varna, kewtê mewzîyanê dişmenî û xeylî mewzîyî çîn kerdî. Netîceyê çalakîye de 13 leşkerê dişmenî ameyî kiştene û xeylî zî birîndar bîyî. Heman roje de hêzanê ma yê YJA Starî çarçeweya Hemleya Şorişgêre ya Şehîd Bager û Şehîde Ronya de Xakurkê de çalakîyêk viraşte. Çalakîya ke Qilê Şehîde Axîne de ameye viaştene de tewr tay 10 leşkerê Tirkî ameyî kiştene û 2 zî birîndar bîyî.Yewîyanê ma yê ke nê her di çalakîyî viraştî weş û war resayî stargehanê xo.

15’ê Teşrîna Verêne de Wareyanê Pawitişî yê Medya ra Zap de Şikefta Brîndara û roja bînî zî mintiqaya Kesta ya Metîna hetê artêşa Tirkî ra ameyî bombardûmankerdene. Nê  hêrişan de vînîbîyayeyê ma çîn ê.‘‘